7:326  vero  in  synodo  trecentorum  fratrum  potestas  penes  Megandrum  unum  fuerit,  aut  senatus  fuerit  illic  muta  persona,  qui  nullas  haberet  in  iudicando  partes.  Sic  ergo  res  habet.  Senatus  quum  iam  Carolum  pro  calumniatore  haberet  ac  sua  conscientia  iam  eum  damnasset,  ultro  Farellum,  Calvinum  et  Viretum  rogavit  num  quid  adversus  eum  haberent:  senatui  enim  placere  in  medium  proferri,  si  quid  peccasset  in  suo  ministerio.  Hic  [pag.  67]  Carolus  tergiversari  et  negare  accusatores  esse  legitimos  quos  tam  atrocis  criminis  reos  peregisset.  Ad  hoc  respondit  senatus  delatos  quidem  esse  ab  illo,  sed  accusationem  procul  a  probatione  abfuisse.  Itaque  rursum  dicere  iussi  sunt  quidquid  illis  videretur.  Carolus  ubi  se  talibus  subterfugiis  nihil  proficere  intellexit,  voluit  ipse  praeoccupando  ansam  agendi  illis  praecidere.  Sed  operae  pretium  est  artificium  notare  quo  usus  est.  Putavit  enim,  si  sua  ipse  dedecora  ultro  ingereret,  alios  verecundia  retentum  iri,  ne  verbum  amplius  adderent.  Coepit  autem  foetorem  suarum  scortationum  movere  ac  referre  qualiter  in  Gallia  sub  signis  Veneris  militasset.  Postea,  quum  vellet  praeteriti  temporis  ignaviam  excusare  et  plenam  perfidiae  dissimulationem,  qua  Christum  et  evangelium  prodidisset,  historiam  retulit  non  alio  quam  propriae  amentiae  impulsu  quae  omnium  exsecrationes  in  eum  merito  concitaret.  Confessus  enim  fuit  se  autorem  fuisse  ut  duo  adolescentes  innoxii  in  vinculis  tenerentur,  donec  duo  iudices  advenirent,  quos  certum  erat  fore  .-carnifices  ad  fundendum  pium  sanguinem,  et  ita  miseros  illos  suo  consilio  periisse.  Incredibile  quidem  dictu  est,  sed  nimis  multi  sunt  testes.  Quid  ergo  dicemus,  nisi  illustre  fuisse  divinae  vindictae  documentum,  quod  tanto  furore  excaecatus  fuerit  ut  eum  nihil  puderet,  non  dico  coram  quadringentis  hominibus,  sed  coram  senatu  [pag.  68]  Bernensi  primum,  deinde  coram  ecclesiastica  synodo,  iactare  multa  sua  flagitia  quae  latebant,  et  se  omnibus  detestabilem  reddere?  Hanc  coronidem  praeclarae  suae  actioni  attexuit,  ut  nihilo  melius  finiret  quam  inceperat.  Tunc  Farellus  surrexit  ac  de  scortationibus  quidem  sic  loquutus  est,  ut  palam  esset  omnibus  eum  in  talibus  spurcitiis  invitum  versari.  Summa  orationis  haec  fuit:  ^  e  n  e  fecisti,  Carole,  quod  tuam  turpitudinem  detegendo  sublevare  nos  voluisti  narrandi  molestia.  Utinam  vero  prorsus  tacuisses,  aut  satis  dixisses,  quo  possem  hunc  totum  locum  praeterire.  Sed  tua  commemoratio,  quaedam  veluti  invitatio  fuit  ad  plura  dicenda.  Fingis  te  amasse  domicellas?  id  quidem  soles  gloriari:  scitur  enim  quales  feminas  hac  ignominia  asperseris.  Sed  interea  taces  de  putidis  scortationibus  in  quibus  instar  porci  volutatus  es.  Tenesne  memoria  quo  in  facinore  Lutetiae  deprehensus  fueris  ad  insigne  clavis,  quod  diversorium  situm  est  prope  aream  sancti  Ioannis  21*