55:326  ipsam  inseri,  sensus  erit,  non  aliam  esse  legitimam  Dei  confessionem,  quam  dum  in  filio  agnoscitur  pater.  Si  obiiciat  quispiam,  multos  ex  veteribus  recte  sensisse  de  Deo,  quibus  tamen  ignotus  erat  Christus:  fateor  non  ita  semper  explicatam  fuisse  Christi  notitiam:  illud  tamen  semper  fuisse  verum  contendo:  quemadmodum  solis  lumen  radiis  ad  vos  usque  diffunditur,  ita  Dei  notitiam  nonnisi  per  Christum  communicatam.  24.  Ergo  quod  audistis  ab  initio,  in  vobis  maneat.  Si  in  vobis  manserit  quod  ab  initio  audistis,  et  vos  in  patre  et  filio  manebitis.  25.  Atque  haec  est  promissio  quam  ipse  nobis  promisit,  nempe  vita  aeterna.  26.  Haec  scripsi  vobis  de  iis  qui  seducunt  vos.  27.  Et  unctiot  quam  accepistis  ab  eo,  in  vobis  manet,  neque  opus  habetis  ut  quis  vos  doceat:  sed  quemadmodum  unctio  docet  vos  de  omnibus,  et  veritas  est,  et  non  est  mendacium.  Et  quemadmodum  docuit  vost  manete  in  eo.  28.  Et  nunc,  filioli,  manete  in  eo:  ut  quum  apparuerit,  habeamus  fiduciam:  neque  pudefiamus  ab  eius  praesentia.  29.  Si  nostis  quod  iustus  sit,  cognoscite  quod  quisquis  facit  iustitiam,  ex  eo  genitus  est.  24.  Ergo  quod,  ete.  Superiori  doctrinae  exhortationem  attexit:  et  quo  plus  efficaciae  habeat  exhortatio,  fructum  demonstrat  quem  ex  obedientia  percipient.  Ergo  ad  fidei  constantiam  eos  hortatur,  ut  fixum  in  cordibus  retineant  quod  didicerunt.  Porro  quum  dicit  ab  i  n  i  t  i  o  ,  sola  antiquitas  minime  ad  probandam  quamlibet  doctrinam  sufficeret:  sed  quia  iam  ostendit,  rite  in  puro  Christi  evangelio  fuisse  institutos:  iure  in  eo  permanendum  esse  infert.  Ac  diligenter  notandus  est  hic  ordo.  Nam  si  ab  eo  doctrinae  genere,  quod  semel  erimus  amplexi,  nolimus  discedere,  qualecunque  illud  sit:  non  constantia,  sed  perversa  erit  obstinatio.  Quare  delectus  est  habendus,  ut  nobis  fidei  nostrae  ratio  constet  ex  Dei  verbo,  tum  sequatur  inflexibilis  constantia.  Papistae  initium  iactant,  quia  superstitiones  suas  a  pueritia  imbiberint.  Hoc  praetextu  apertam  veritatem  contumaciter  repudiare  sibi  permittunt.  Talis  pertinacia  nobis  documento  est,  semper  faciendum  esse  exordium  a  doctrinae  certitudine.  Si  in  vobis  manserit.  Hic  perseverantiae  fructus  est,  quod  in  quibus  manet  Dei  veritas,  illi  in  Deo  manent.  Unde  colligimus  quid  in  tota  pietatis  doctrina  sit  quaerendum.  Quare  is  demum  optime  profecit,  qui  huc  usque  progressus  est,  ut  Deo  penitus  adhaereat.  In  quo  autem  non  habitat  pater  per  filium,  is  totus  est  vanus  et  inanis,  quidquid  scientiae  teneat.  Porro  haec  eximia  laus  sanae  doctrinae,  quod  nos  Deo  coniungit,  ac  in  ea  reperimus  quidquid  ad  veram  Dei  fruitionem  pertinet.  Postremo  loco  admonet  hanc  esse  solidam  felicitatem*  21*