54:326  a  voulu  donner  plus  de  vigueur  a  son  exhortation��  comme  si  c'estoit  une  declaration  de  sa  derniere  volonte,  et  un  testament  que  feroit  un  pere  qui  parlera  a  son  enfant,  Cependant  que  i'ay  vescu  au  monde,  i'ay  tasche  de  tousiours  te  monstrer  le  chemin,  afin  que  noua  servissions  a  Dieu  tous  deux  d'un  accord:  iusques  ici  tu  as  chemine  ainsi  qu'il  estoit  a  souhaiter.  Or  il  reste  que  quand  ie  seray  departi  du  monde,  que  tu  ne  laisses  point  de  continuer:  et  maintenent  ie  t'anonce  ma  mort:  mais  retien  ce  dernier  mot-ci,  comme  si  ie  faisoye  un  testament  solennel  et  authentique,  c'est  le  meilleur  heritage  que  ie  te  puisse  laisser,  ascavoir  que  tu  serves  tousiours  a  Dieu.  Or  il  reste  maintenant  de  noter  les  facons  de  parler  dont  sainct  Paul  use  en  ce  passage,  le  m'en  vay  estre  sacrifie  (dit-il)  le  temps  de  mon  departement  est  prochain.  Quand  il  dit  qu'il  s'en  va  estre  sacrifie,  il  exprime  l'espece  de  sa  mort  laquelle  luy  estoit  apprestee:  et  mesmes  le  mot  dont  il  use,  s'appliquent  aux  sacrifices  qu'on  avoit  accoustume  de  faire  aux  alliances.  Car  si  des  peuples  ou  des  Princes  contractoyent  alliance,  il  se  faisoit  un  sacrifice  pour  la  ratifier.  Et  la  il  se  faisoit  protestation  que  celuy  qui  faudroit,  fust  deschire  en  pieces,  que  Dieu  le  confondI8t.  Quand  sainct  Paul  parle  de  sa  doctrine,  il  l'appelle  le  message  de  reconciliation  :  c'est  a  dire,  que  Dieu  l'a  envoye  pour  faire  l'appointement  de  luy  avec  les  hommes.  Ainsi  quand  l'Evangile  se  presche,  c'est  autant  comme  si  Dieu  s'allioit  avec  nous,  declarant  qu'il  nous  est  Pere,  et  qu'il  nous  tiendra  pour  ses  enfans.  Et  pour  ce  faire,  qu'il  ne  nous  veut  plus  imputer  nos  pechez:  combien  que  nous  soyons  creatures  maudites,  qui  n'avons  merite  que  toute  confusion,  toutesfois  qu'il  nous  veut  laver  et  nettoyer  par  le  sang  de  son  Fils,  accepter  la  mort  et  passion  qu'il  a  enduree,  pour  la  iustice  qui  nous  defaut.  Voila  qu'emporte  la  doctrine  de  l'Evangile  quand  elle  est  publiee  au  monde.  Or  sainct  Paul  dit  qu'il  est  sacrifie,  pour  confermer  derechef  l'alliance  que  Dieu  a  faite  avec  les  hommes  :  d'autant  que  sa  mort  seellera  ce  qu'il  a  presche,  et  que  la  doctrine  qu'il  a  anoncee  de  bouche,  ait  tant  plus  d'authorite  envers  les  fideles,  quand  ils  verront  qu'il  ne  s'est  point  espargne,  que  sa  vie  ne  luy  a  pas  este  si  precieuse,  qu'il  no  l'ait  voulu  exposer  pour  declarer  la  verite  infallible  de  la  doctrine  laquelle  il  avoit  enseignee.  Et  voila  comme  il  en  parle  au  second  chapitre  des  Philippiens,  Si  ie  suis  sacrifie  (dit-il)  pour  le  sacrifice  de  vostre  foy,  ie  m'esiouy  en  cela,  et  m'y  esiouiray,  scachant  que  tout  reviendra  a  vostre  salut.  Et  il  dit  apres,  qu'en  brief  il  sera  sacrifie.  Or  de  ce  mot  nous  avons  a  recueillir  en  premier  lieu,  si  nostre  Dieu  nous  fait  la  grace  que  nostre  sang  soit  espandu  pour  le  tesmoignage  de  sa  verite,  que  ce  luy  est  un  sacrifica  21*