51:326  verite,  comme  dit  sainct  Paul.  Ainsi  notons  bien  que  tout  le  vray  scavoir  qu'il  nous  faut  cercher,  c'est  de  venir  a  l'esperance  a  laquelle  Dieu  nous  a  appelez.  Car  l'Escriture  n'est  pas  pour  nous  paistre  de  choses  vaines  et  superflues  :  mais  elle  est  pour  nous  edifier  a  nostre  salut,  c'est  a  dire,  pour  nous  faire  sentir  la  bonte  de  Dieu,  a  fin  que  nous  soyons  conioints  a  luy,  et  que  ce  soit  la  nostre  vraye  felicite.  Or  de  la  aussi  nous  pouvons  recueillir  que  iusques  a  tant  que  nostre  Seigneur  nous  ait  esclairez  par  son  sainct  Esprit,  nous  ne  pouvons  tenir  ne  chemin  ne  sentier  pour  approcher  de  la  vie  celeste,  nous  ne  pouvons  mesmes  iuger  que  tout  cela  vaut.  Ainsi  nous  avons  besoin  que  nostre  Seigneur  nous  mette  en  possession  de  nostre  salut  par  la  vertu  de  son  sainct  Esprit.  Nous  avons  declare  par  ci  devant  que  la  foy  est  pour  nous  donner  entree  au  royaume  de  Dieu  et  en  l'heritage  qui  nous  a  este  acquis  par  nostre  Seigneur  Iesus  Christ:  et  il  faut  que  Dieu  nous  la  donne  par  son  sainct  Esprit.  Puis  qu'ainsi  est  donc,  notons  que  non  seulement  nous  avons  besoin  que  l'Evangile  nous  soit  presche,  mais  que  Dieu  nous  perce  les  aureilles  pour  escouter  ce  qui  est  la  contenu,  qu'il  nous  ouvre  les  yeux  pour  voir  ce  qu'il  nous  monstre:  bref,  qu'il  commence  et  qu'il  parface  le  tout.  Mais  d'autant  que  les  hommes  (comme  desia  nous  avons  dit)  s'attribuent  par  vaines  fantasies  plus  qu'il  ne  leur  appartient,  et  d'autre  coste  mesprisent  les  graces  de  Dieu,  S.  Paul  magnifie  ici  l'esperance  de  laquelle  il  avoit  fait  mention,  disant  quelles  sont  les  richesses  de  la  gloire  de  son  heritage  aux  saincts.  Il  est  vray  que  quand  on  nous  parle  de  Dieu  et  de  nostre  Seigneur  Iesus  Christ,  nous  dirons  que  ce  sont  choses  hautes  :  mais  c'est  a  fin  de  nous  exempter  quand  nous  pourrions  fuir,  que  nous  serions  contens  de  ne  rien  cognoistre  de  ce  qui  appartient  a  la  religion:  et  sommes  insatiables  quand  on  nous  repaist  de  vanitez  et  de  mensonges:  mais  si  Dieu  nous  appelle  a  son  escole,  nous  reculons  tant  qu'il  nous  est  possible:  et  mesmes  cela  est  mis  comme  pour  bouclier,  que  nous  sommes  rudes,  et  que  nous  avons  un  petit  entendement  et  grossier,  et  que  les  secrets  de  la  parole  de  Dieu  sont  trop  profons  et  incomprehensibles  pour  nous.  Nous  scaurons  bien  dire  cela:  mais  il  n'y  a  que  hypocrisie  et  fiction.  Et  qu'ainsi  soit,  les  hommes  veulent  tousiours  iuger  selon  leur  appetit:  que  si  on  leur  propose  quelque  chose  de  la  parole  de  Dieu,  Est-il  ainsi  ?  et  comment  est-il  possible  ?  Ils  arguent,  ils  disputent.  Ouy?  voila  Dieu  qui  parle,  et  cependant  ils  ne  veulent  point  recevoir  sans  contredit  ce  qui  leur  est  monstre  au  nom  de  Dieu.  Nous  voyons  donc  qu'ils  ne  font  que  mentir  en  disant  qu'ils  sont  lourds^etfpesans,  car  ils  pensent  tout  le  21*