50:326  Les  Papistes  diront  que  nous  sommes  pleins  d'orgueil  et  d'outrecuidance,  quand  nous  voulons  estre  plus  sages  que  tout  le  monde.  Il  est  vray  que  si  nous  estions  arrestez  a  nos  sens  et  a  nostre  cuider,  et  a  nostre  opinion,  ce  seroit  une  arrogance  par  trop  excessive:  mais  quand  nous  cheminons  en  humilite,  nous  demettans  de  toute  nostre  raison  et  sagesse,  cognoissans  qu'il  nous  faut  estre  fols  en  ce  monde  pour  obtenir  la  sagesse  de  Dieu:  quand  donc  nous  aurons  une  telle  sobriete  et  modestie  en  nous,  et  'que  nous  n'attenterons  point  de  scavoir  plus  qu'il  ne  nous  est  licite,  mais  cependant  que  nous  magnifierons  tellement  la  doctrine  de  Dieu,  que  nous  pourrons  despiter  tout  ce  qui  est  du  monde,  ceste  hautesse-la  sera  bonne,  car  voila  en  quoy  Dieu  veut  estre  glorifie,  nous  pouvons  donc  despiter  toutes  les  crosses  et  mittres,  et  les  fanfares  de  ce  monde,  et  toutes  les  cornes  du  Pape,  dont  il  se  veut  eslever  a  l'encontre  de  Dieu:  nous  le  pouvons,  di-ie,  despiter,  voire  les  avoir  en  abomination,  comme  choses  pleines  de  puantise  et  d'infection,  et  par  lesquelles  Satan  nostre  ennemi  mortel  tasche  de  nous  empoisonner.  Et  cependant  que  nous  soyons  tellement  arrestez  a  la  verite  de  Dieu,  que  nous  triomphions  pardessus  tout  ce  qui  est  contraire:  scachans  que  nostre  foy  doit  estre  victorieuse  pardessus  tout  ce  qui  se  mettra  en  avant  pour  la  batre  et  la  ruiner:  comme  Satan  n'oublie  iamais  de  nous  tormenter  tant  qu'il  sera  possible.  Mais  quand  nous  serons  fortifiez  en  nostre  Dieu,  ne  craignons  point  que  nous  puissions  estre  vaincus  par  toutes  ses  tentations:  scachans  que  quand  Dieu  sera  de  nostre  coste,  nous  pourrons  tenir  comme  fumee  tout  ce  qui  procedera  des  creatures.  Or  nous  nous  prosternerons  devant  la  maieste  de  nostre  bon  Dieu,  en  cognoissance  de  nos  fautes,  le  prians  qu'il  nous  les  face  sentir  de  plus  en  plus,  iusques  a  ce  que  nous  en  soyons  du  tout  despouillez:  et  que  cependant  que  nous  avons  a  vivre  ici  bas,  il  nous  supporte  en  nos  faiblesses  iusques  a  ce  qu'il  y  ait  remedie,  et  que  nous  soyons  du  tout  reformez  a  la  perfection  de  sa  iustice  a  laquelle  il  nous  appelle.  Ainsi  nous  dirons  tous,  Dieu  toutpuissant,  Pere  celeste  etc.  GALATES.  Chap.  I,  y.  l  l  ,  12.  Nous  avons  veu  ce  matin  que  tous  ceux  qui  ont  la  charge  et  office  d'enseigner  l'Eglise  de  Dieu  doivent  oublier  toute  grace  et  faveur  du  monde:  car  sans  cela  iamais  ne  se  pourront  acquitter  fidelement  de  leur  devoir,  attendu  que  les  hommes  desirent  tousiours  et  appetent  qu'on  les*  flatte,  et  ne  peuvent  souffrir  que  leurs  vices  soyent  redarguez  comme  il  appartient.  La  dessus  nous  avons  mons-  21*  CINQUIEME  SERMON.