7:325  325  CALUMNIAS.  326  mendacia  contexere,  quin  repugnantia  interdum  appareat,  argumenta  eius  qualia  sint  expendamus.  Christus,  inquit,  genitus  est  a  patre,  ergo  non  est  a  se  ipso.  Item:  Christus  est  filius  Dei,  ergo  ab  eo  est  qui  eum  genuit:  Pater  autem  alius  est  ab  eo,  ergo  habet  esse  ab  alio.  Concludit  esse  blasphemiam,  quum  dicitur  Christum  esse  a  se  ipso.  Atqui,  annon  videt  se  aerem  verberare,  quum  non  aliud  tandem  colligere  possit,  [pag.  65]  quam  personae  non  convenire  quod  Calvinus  recte  de  essentia  praedicavit?  Quod  si  contradictionem  quaerit  in  verbis  Calvini,  quaerat  eandem  in  Augustino  et  Cyrillo  et  aliis,  quibus  tantum  se  deferre  simulat.  Verum  operae  pretium  est  notare  argutam  obiectionem  qua  Calvinum  constringit.  Praefaris,  inquit,  te  dicturum  de  iis  quae  ad  Christum  peculiariter  attinent;  ergo  proprietatem  hanc  esse  affirmas  secundae  personae.  Quid  hoc  sophismate  putidius?  Nam  quod  illic  Christus  nominatur  Iehova,  an  hoc  illi  proprium  est?  ac  non  potius  cum  patre  et  spiritu  sancto  commune?  Multa,  inquam,  illic  habentur  ex  aequo  tribus  personis  communia.  Carolus  autem  particulam  unam  arripit  ex  qua  frigidam  cavillationem  struat.  Quorsum  ergo,  dicet  quispiam,  spectant  haec  Calvini  verba?  Nempe  ad  incarnationem,  de  qua  illic  disserit.  Hoc  enim  proprium  est  filii  Dei,  quod  carnem  nostram  induit,  ut  deus  esset  ac  homo,  unitis,  non  confusis  naturis.  Respondi  ad  omnes  calumnias  quibus  tam  gravem  suam  accusationem  adornavit,  et  ita  respondi  ut  planum  esse  omnibus  confidam,  eum  maiori  ex  parte  improbe  et  sine  colore  ullo  mentiri,  in  reliquis,  ea  quae  recte  dicta  sunt,  ineptis  cavillationibus  maligne  depravare.  Restat  ut  paucis  exponam  quis  synodi  Bernensis  fuerit  exitus.  Coacta  autem  fuit  synodus  illa  circiter  tertio  post  mense  quam  Lausannae  [pag.  66]  damnatus  fuerat  Carolus.  Illuc  convenerant  omnes  fere  agri  Bernensis  pastores,  qui  linguae  sunt  germanicae.  Aderat  etiam  maior  senatus,  ut  loquuntur,  qui  constat  ex  ducentis.  Causa  tractata  fuit,  nec  tumultuose  agitata  tantum,  sed  audita  magno  silentio.  Ut  autem  sciant  lectores  quanta  gravitate  causam  illic  iterum  egerit  Carolus,  in  primam  exordii  sui  periodum  tria  mendacia  incluserat,  in  quibus  refellendis  adeo  nihil  negotii  habuit  Calvinus,  ut  duo  totius  senatus  testimonio  coarguere  potuerit.  Ac  multa  quidem  suspiciose  adducta  fuisse  a  Carolo  semper  audivi,  sed  quibus  ita  responderint  Farellus,  Viretus  et  Calvinus,  ut  auditorio  satisfieret.  Certe  fratres  sua  sententia  eos  facile  liberarunt  ac  iudicarunt  prorsus  innocentes:  quae  autem  sententia  fuerit  clarissimi  senatus,  ex  diplomate  quod  mox  subnectam  patebit.  Hoc  autem  loco  persuadere  vult  Carolus,  admissos  ad  se  recriminandum  fuisse  a  Megandro,  tunc  Bernensis  ecclesiae  pastore;  quasi