6:325  DE  LIBERO  ARBITRIO.  retribui  gratitudini  nostrae,  quasi  superioribus  gratiis  bene  utendo  hoc  ex  nobis  meruerimus.  Hoc  sic  Augustinus  confirmat:  Satis  dilucide  ostenditur  et  inchoandi  et  in  finem  perseverandi  gratiam  non  secundum  merita  nostra  dari,  sed  donari  secundum  ipsius  secretissimam  eandemque  iustissimam,  beneficentissimam,  sapientissimam  voluntatem:  quoniam  quos  praedestinavit,  eos  et  vocavit.  Quid  nunc  ad  tergiversandum  (effugere  enim  nullo  modo  potest)  obtendet1)  Pighius?  An  mutilas  ac  mancas  sententias  me  decerpere  causabitur,  quae  Augustini  mentem  minime  demonstrent?  At  nemo  erit,  qui  non  eius  improbitati  reclamet,  si  fecerit.  An  me  non  fideliter  citare?  Atqui  ad  verbum  descripsi.  An  de  industria  praeterire,  quae  mihi  adversentur?  Atqui  ex  quatuor  tantum  libris,  neque  his  adeo  prolixis,  haec  omnia  excepi:  quos  perlegere,  non  magnus  erit  labor.  Poteram  undecunque  longe  plura  coacervare;  verum  partim  compendii  studio,  partim  ut  lectoribus  sine  molestia  aut  labore  promptum  esset  recognoscere,  quanta  fide  ac  sinceritate  veram  ac  genuinam  Augustini  mentem  explicarim,  cedo.  Si  cui  hoc  minus  satisfaciat,  in  medium  prodeant  illi  quatuor  libri:  duo  ad  Valentinum,  quorum  alter  de  Gratia  et  libero  arbitrio,  alter  de  Correptione  et  gratia  inscriptus  est;  duo  item  ad  Prosperum  et  Hilarium:  quorum  unus  est  de  Praedestinatione  sanctorum,  secundus  de  Bono  perseverantiae:  [pag.  129]  Tum  ex  illis  inter  nos  iudicium  fiat:  facile  enim  patiar,  ut  tota  inde  controversia  dirimatur:  nec  vereor  ne  id  vel  minimo  causae  nostrae  incommodo  fiat.  An  Augustinum  dicet  hic  praetervehi  contentionis  calore,  ut  eius  fidem  sic  extenuet?  Et  hi  libri  sunt,  qui  ous  autoritatem  sine  exceptione  deferendam  agnoscit,  et  ex  quibus  solis  certo  statui  posse,  quae  fuerit  Augustini  sententia,  pronunciat.  Quid  autem  hic  docet  Augustinus?  Voluntatem  hominis  esse  quidem  liberam,  sed  non  nisi  ad  malum.  Atque  hoc  illi  epitheton  non  proprie  tribui,  quum  serva  sit  iniquitatis.  Malam  enim  esse  naturaliter,  et  ideo  sub  peccati  iugo  teneri  vinctam  ac  captivam,  donec  per  Christum  liberetur.  Hanc  pravitatem  eo  usque  patere,  ut  non  modo  nihil  boni  velle  aut  deliberare  possimus,  sed  ne  concipere  quidem.  Deum  igitur  non  nostra  praeparatione  adduci,  ut  gratiam  nobis  suam  conferat,  sed  modis  omnibus  nos  praevenire,  ut  initium  sit  ex  mera  eius  misericordia.  Omnes  enim  hominis  facultates  corruptas  esse,  ut  nihil  quam  malos  fructus  parere  ex  se  queant.  Hanc  praeterea  gratiam  non  omnibus  indifferenter  aut  promiscue  dari,  sed  iis  duntaxat  quibus  Deus  vult;  alios,  quibus  non  datur,  malos  permanere,  ad  bonum  prorsus  nihil  valere,  quia  sint  ex  perdita  et  damnata  massa,  1)  obtendet.  Sic  princeps  et  Gallus.  Caeterae:  obtenderet.