54:325  325  SUR  LA  SECONDE  A  TIMOTHEE.  326  et  propre:  que  s'il  estoit  debile,  il  pouvoit  estre  exhorte:  s'il  avoit  besoin  de  conseil,  S.  Paul  le  redressoit:  si  on  luy  faisoit  la  guerre,  il  se  venoit  mettre  pour  bouclier,  il  l'armoit  de  son  authorite,  comme  nous  avons  veu  par  ci  devant.  Or  sainct  Paul  declare  que  tout  cela  ne  sera  plus:  Dieu  me  veut  retirer  de  ce  monde  (dit-il)  et  pourtant  appreste-  toy,  car  tu  auras  des  combats  plus  rudes  que  tu  n'as  point  eu  iusques  ici:  de  moy,  ie  ne  seray  plus  au  monde  pour  t'aider,  ie  ne  viendray  plus  prendre  la  cause  comme  i'ay  accoustume  par  ci  devant,  tu  n'auras  personne  qui  te  supporte,  mais  il  faudra  que  tu  sois  capitaine  pour  les  autres,  que  tu  conduises  tout.  Ainsi  donc  advise  de  te  preparer  pour  invoquer  Dieu,  et  en  ceste  fiance-la  de  poursuyvre  constamment:  car  ces  assauts-la  te  seront  bien  difficiles  a  soustenir.  Nous  voyons  donc  maintenant  quelle  est  l'intention  de  sainct  Paul.  Or  par  cela  nous  sommes  admonestez  qu'il  ne  faut  point  que  nostre  foy  defaille  quand  toutes  aides  nous  seront  ostees,  i'enten  les  moyens  inferieurs  qui  nous  sont  utiles,  quand  il  plaist  a  Dieu  de  nous  les  donner.  Il  est  vray  que  quand  nous  aurons  des  bons  Pasteurs  pour  nous  conduire,  si  nous  ne  sommes  plus  fervens,  cela  nous  sera  impute  a  double  condamnation,  Mais  encores  que  nous  n'ayons  pas  les  supports  a  souhait,  et  que  les  choses  branlent,  et  quand  le  diable  aura  quelque  entree  vers  nous,  qu'il  ne  soit  point  repousse  BI  virilement  qu'il  seroit  requis,  si  ne  faut-il  point  que  nous  soyons  esperdus  pourtant:  car  Dieu  nous  assistera  d'enhaut,  et  aura  son  bras  estendu  pour  nous  secourir  quand  nous  regarderons  a  luy.  Que  faut-il  donc?  Si  Dieu  nous  donne  des  gens  qui  nous  monstrent  bon  exemple,  et  qui  soyent  zelateurs  de  sa  gloire,  qui  ne  demandent  sinon  a  nous  secourir  au  besoin,  faisonsen  nostre  profit,  que  nous  remercions  Dieu  de  ce  qu'il  ha  ainsi  pitie  de  nous,  qu'il  supporte  nostre  infirmite:  faisons  valoir  tels  moyens  qu'il  nous  donne,  entant  qu'en  nous  sera.  Mais  tant  y  a,  quand  nous  serons  despourveus  d'aides  quant  au  monde,  et  que  les  meschans  se  viendront  ruer  contre  nous,  que  les  scandales  seront  grans,  qu'il  semblera  qu'il  n'y  ait  que  deluge  par  tout,  et  que  tout  doive  estre  dissipe,  que  nous  regardions  neantmoins  au  ciel,  que  nous  requerions  a  Dieu  que  par  la  vertu  secrete  de  son  sainct  Esprit  il  nous  rende  invincibles  contre  tout  ce  que  le  diable  aura  machine.  Voila  donc  ce  que  nous  avons  a  faire  en  somme,  c'est  d'appliquer  a  nostre  usage  les  aides  presentes,  et  quand  il  nous  les  ostera,  que  nous  ne  laissions  point  d'estre  constans,  et  de  marcher  tousiours  plus  outre.  Et  pourquoy?  Dieu  suppleera  au  defaut  de  ce  que  nous  n'avons  pas  ici  a  la  veue  des  hommes.  Voila  donc  ce  que  nous  avons  a  retenir  de  ce  passage.  Et  cependant  notons  aussi  que  sainct  Paul