52:325  325  CAPUT  VI.  326  sae  istae  quaestiones  in  certamina  ebulliant.  Caeterum  XoyopuyicLC  nominat  contentiosas  disputationes  de  verbis  magis  quam  de  rebus,  vel  (ut  vulgo  loquuntur)  sine  materia,  aut  subiecto.  Nam  si  quis  diligenter  expendat  quaecunque  inter  sophistas  fervent  contentiones,  deprehendet  non  ex  rebus  eas  provenire,  sed  ex  nihilo  eas  excudi.  In  summa,  quaestiones  omnes  damnare  voluit  Paulus,  quae  nos  ad  nihili  contentiones  acuunt.  Ex  quibus  oritur  invidia.  Ab  effectis  demonstrat  quantopere  fugienda  sit  ambitiosa  sciendi  cupiditas.  Mater  enim  invidiae  est  ambitio.  Ubi  autem  regnat  invidia,  illic  simul  fervent  convitia,  rixae,  et  reliqua  mala  quae  hic  a  Paulo  numerantur.  Addit,  talibus  c  o  r  r  u  p  t  am  esse  mentem,  et  esse  v  e  r  i  t  a  t  e  privatos.  Porro  certum  est  hic  taxari  sophistas,  qui,  posthabita  aedificatione,  verbum  Dei  in  artem  subtiliter  disserendi  et  frivolas  argutias  convertunt.  Si  tantum  ostenderet  apostolus,  inutilem  reddi  hoc  modo  salutis  doctrinam,  iam  ista  esset  minime  tolerabilis  profanatio:  sed  longe  gravior  ac  vehementior  est  ista  reprehensio,  quod  tam  perniciosa  mala,  quae  inde  manant,  et  tam  noxias  pestes  recenset.  Ex  hoc  itaque  loco  discamus  sophisticen  detestari  ut  rem  ecclesiae  Dei  magis  pestiferam  quam  satis  credi  possit.  5.  Quaestum  esse  pietatem.  Sic  resolve,  pietatem  esse  quaestum,  vel  artem  quaestuosam  :  quia  scilicet  totum  christianismum  lucro  metiuntur.  Perinde  enim  ac  si  non  alium  in  finem  prodita  fuissent  spiritus  sancti  oracula,  quam  ut  eorum  avaritiae  servirent,  tanquam  merce  venum  exposita  negotiantur.  Cum  talibus  vetat  Paulus  servos  Christi  quidquam  habere  commercii.  Neque  enim  modo  Timotheum  iubet  esse  dissimilem,  sed  eos  fugere  quasi  noxias  pestes.  Nam  etsi  palam  non  adversentur  evangelio,  quin  potius  falsa  eius  professione  se  iactent:  contagiosa  tamen  est  eorum  societas.  Deinde  si  nos  vulgus  hominum  familiares  illis  esse  videat,  periculum  est  ne  se  amicitiae  nostrae  praetextu  insinuent.  Summa  igitur1)  danda  est  a  nobis  opera,  ut  omnes  intelligant  adeo  nos  esse  ab  illis  alienos,  ut  nihil  nobiscum  habeant  commune.  6.  Est  autem  quaestus  magnus  pietas  cum  sufficientia.  7.  Nihil  enim  intulimus  in  mundum:  certum  quod  neque  efferre  quidquam  possumus.  8.  Habentes  autem  alimenta  et  tegmina,  his  contenti  erimus.  9.  Nam  qui  volunt  ditescere,  incidunt  in  tentationem  et  laqueum,  et  cupiditates  multas  stultas  et  noxias,  quae  demergunt  homines  in  exitium  et  interitum.  10,  Badix  enim  omnium  malorum  est  avaritia:  cui  addicti  quidam  aberrarunt  a  fide,  et  se  ipsos  implicuerunt  doloribus  multis.  *)  tamen