51:325  325  SUR  L'EPITRE  AUX  EPHESIENS.  326  monstrant  qu'ils  ont  besoin  de  se  remettre  a  Dieu,  a  fin  d'estre  esclairez  par  son  S.  Esprit,  leur  dit,  Iusqu'a  maintenant  ie  voy  que  les  graces  de  Dieu  ont  este  ensevelies  du  tout  par  vostre  ingratitude:  mais  c'est  que  les  hommes  sont  stupides  et  ne  conprendront  iamais  rien  de  ce  qui  est  requis  pour  leur  salut,  iusqu'a  ce  que  Dieu  y  ait  besongne.  Il  faut  donc  que  vous  luy  demandiez  intelligence,  estans  desnuez  de  toute  presomption,  cognoissans  que  vous  n'estes  point  capables  de  parvenir  si  haut  que  de  bien  iuger  des  oeuvres  de  Dieu,  et  faire  vostre  profit,  iusqu'a  ce  qu'il  vous  ait  donne  une  veue  celeste  en  vostre  esprit.  Voila  en  somme  ce  que  nous  avons  a  retenir  en  ce  passage.  Or  de  la  il  est  facile  a  recueillir  comme  le  povre  monde  a  este  trompe  en  l'opinion  qu'on  luy  a  mise  en  la  teste  du  franc-arbitre.  Car  les  Papistes  confesseront  bien  que  sans  la  grace  de  Dieu  il  est  impossible  que  nous  marchions  comme  nous  devons:  mais  ils  disent  que  par  leur  franc-arbitre,  si  pouvonsnous  bien  aider  a  la  grace  de  Dieu:  et  ainsi  ils  font  un  meslinge  de  l'un  avec  l'autre.  S'ils  veulent  definir  que  c'est  du  franc-arbitre,  ils  disent  que  c'est  une  chose  meslee,  que  nous  avons  raison  et  prudence  pour  elire  le  bien  et  laisser  le  mal  :  et  puis,  que  nous  avons  aussi  la  faculte  pour  accomplir  et  mettre  en  execution  ce  que  nous  aurons  conceu.  Or  nous  voyons  ici  comme  S.  Paul  parle  de  la  raison  de  l'homme,  laquelle  ils  appellent  une  Reine  qui  gouverne  et  tient  la  bride  sur  toutes  nos  pensees  et  sur  toutes  nos  oeuvres:  il  monstre  que  elle  est  du  tout  aveugle,  iusques  a  ce  que  Dieu  l'ait  renouvelee,  et  non  pas  comme  s'il  y  avoit  une  partie  de  vertu  en  nous,  et  qu'il  ne  fist  sinon  suppleer  a  quelque  defaut.  Autrement  S.  Paul  eust  dit  que  Dieu  aide  a  nostre  clairte,  ou  qu'il  l'augmente,  ou  qu'il  y  adiouste  ce  qui  y  est  requis.  Il  ne  parle  pas  ainsi:  mais  il  dit,  Qu'il  vous  donne  des  yeux  illuminez:  monstrant  que  c'est  un  don  gratuit,  et  qu'il  faut  que  nostre  Seigneur  supporte  non  seulement  nostre  infirmite  et  y  adiouste  quelque  portion:  mais  qu'estans  aveugles  nous  ne  pouvons  rien  voir,  iusques  a  ce  qu'il  nous  ait  donne  ouverture  et  que  nous  soyons  conduits  et  gouvernez  par  ceste  revelation  de  son  S.  Esprit,  dont  nous  avons  touche  ci  dessus.  Or  sainct  Paul,  pource  que  les  hommes  vont  tousiours  a  travers  champs  et  qu'ils  s'amusent  a  beaucoup  de  choses  inutiles,  nous  monstre  a  quoy  il  nous  faut  appliquer  du  tout,  et  nostre  sens,  et  nostre  esprit,  c'est  a  scavoir,  quelle  est  l'esperance  de  nostre  vocation.  Tay  desia  dit  que  les  hommes  sont  comme  nais  a  curiosite,  et  qu'ils  s'esgarent,  et  se  forgent,  et  bastissent  beaucoup  de  meschantes  speculations:  et  voila  qui  est  cause  que  beaucoup  se  tormentent  tant  et  plus,  apprenans  tousiours,  et  ne  parvenans  iamais  a  la  science  de