50:325  325  SUR  L'EPITRE  AUX  GALATES  326  sente  a  Dieu  son  Pere,  comme  un  sacrifice  agreable  et  de  bonne  odeur,  ne  doy-ie  point  accepter  cela?  Et  ainsi  ne  faut-il  pas  bien  que  nous  soyons  comme  enragez  et  ensorcelez  de  Satan,  si  nous  ne  pouvons  souffrir  qu'on  nous  gratte  ainsi  nos  rongnes,  et  qu'on  les  descouvre,  a  fin  qu'on  nous  amene  a  ce  qui  est  propre  pour  nosre  salut?  Si  on  complaist  a.  un  malade,  et  que  sera-ce?  On  luy  baillera  a  boire  a  chacune  minute  de  temps,  on  luy  baillera  du  vin,  la  ou  il  luy  faut  de  l'eau,  on  luy  baillera  des  salades,  et  ce  sont  autant  de  poisons.  Bref  il  est  certain  qu'un  homme  cerchera  tousiours  sa  mort,  si  on  luy  veut  complaire.  Or  maintenant  lequel  vaut  mieux,  ou  que  celuy  qui  gouverne  un  malade  accorde  a  tous  ses  appetis,  ou  bien  qu'il  le  tienne  en  bride,  combien  que  cela  le  fasche,  qu'il  grince  les  dents,  et  qu'il  se  tempeste  de  ce  qu'on  ne  luy  veut  point  satisfaire  en  ce  qu'il  demande?  Or  il  est  certain  que  s'il  y  a  des  appetis  desbordez  aux  malades,  il  y  en  a  encores  plus  en  nous.  Que  serace  donc,  sinon  que  ceux  qui  ont  la  charge  de  porter  la  parole  de  Dieu,  et  qui  sont  pour  faire  office  de  medecin,  ayent  le  soin  de  nous  garder  de  ce  qu'ils  cognoissent  nous  estre  nuisible,  et  qu'ils  nous  proposent  ce  qui  nous  est  profitable?  Car  il  est  certain  que  s'ils  nous  vouloyent  applaudir  eo  nos  affections,  que  ce  seroit  pour  nous  ruiner  du  tout.  Voila  en  somme  que  nous  avons  a  retenir,  quand  sainct  Paul  parle  de  son  affection.  Or  il  adiouste  le  second  argument,  c'est  a  scavoir  qu'il  n'a  point  son  Evangile  des  hommes,  mais  par  revelation  celeste.  Il  conferme  tousiours  le  propos  quand  il  a  dit  qu'il  n'y  a  ni  Pierre,  ni  Iean  qui  puisse  avoir  une  telle  reverence  en  leurs  personnes,  qu'on  soit  tenu  et  oblige  de  les  escouter  comme  d'eux  mesmes,  car  cela  est  reserve  a  Dieu  seul,  et  a  nostre  Seigneur  Iesus  Christ,  et  ne  faut  point  qu'il  y  ait  nul  compagnon.  Puis  qu'ainsi  est  donc,  que  nous  apprenions  de  regarder  en  haut,  quand  ii  est  question  d'avoir  certitude  de  nostre  foy,  et  que  nous  surmontions  tout  ce  qui  est  de  ce  monde,  et  que  nous  quittions  les  hommes.  Et  combien  qu'ils  soyent  excellens,  que  toutesfois  nostre  foy  ne  s'arreste  ici-bas,  ni  a  tout  ce  qui  est  des  creatures:  mais  qu'elle  ait  son  fondement  en  Dieu.