49:325  325  CAPUT  L  326  doctrinae  quam  caeci  oculus  ad  colores  discernendos.  Utrumque  istorum  diligenter  notandum,  quod  fumus  est  omnium  scientiarum  cognitio,  ubi  abest  coelestis  Christi  scientia:  et  homo  cum  toto  suo  acumine  perinde  est  stupidus  ad  intelligenda  per  se  Dei  mysteria  atque  asinus  ineptus  est  ad  symphoniam.  Nam  eo  modo  redarguitur  exitialis  eorum  superbia,  qui  in  mundi  sapientia  sic  gloriantur,  ut  Christum  et  totam  salutis  doctrinam  despiciant,  beatos  se  putantes,  si  in  creaturis  haereant:  et  retunditur  eorum  supercilium,  qui  proprio  ingenio  confisi  in  coelum  penetrare  tentant.  Simul  etiam  solvitur  illa  quaestio:  qul  fiat  ut  quidquid  est  scientiae  extra  Christum,  hic  Paulus  ita  prosternat  humi  et  quasi  pedibus  conculcet,  quod  constat  esse  praecipuum  in  hoc  mundo  Dei  donum.  Quid  enim  hominis  ratione  nobilius,  qua  homo  reliquis  animantibus  praecellit?  doctrinae  liberales  quantum  honoris  merentur,  quae  hominem  ita  expoliunt,  ut  reddant  vere  humanum?  Praeterea  quantos  et  quam  eximios  fructus  pariunt?  Quis  civilem  prudentiam,  qua  respublicae,  principatus  et  regna  sustinentur  non  summis  laudibus  extollat?  ut  de  reliquis  taceam.  Huius,  inquam,  quaestionis  solutio  inde  patet,  quod  non  simpliciter  damnat  Paulus  aut  naturalem  perspicaciam  hominis,  aut  prudentiam  usu  et  experientia  collectam,  aut  cultum  ingenii  literis  comparatum:  sed  hoc  totum  ad  percipiendam  spiritualem  sapientiam  nullius  esse  momenti  affirmat.  Et  certe  insania  est,  si  vel  proprio  acumine,  vel  literarum  praesidio  quispiam  fretus  in  coelum  evolare  conetur:  hoc  est,  de  arcanis  regni  Dei  mysteriis  iudicare,  aut  ad  eorum  cognitionem  perrumpere:  sunt  enim  abscondita  ab  humano  sensu.  Notemus  ergo  restringi  ad  praesentis  causae  circumstantiam  debere  quod  de  mundanae  sapientiae  vanitate  hic  docet  Paulus:  nempe  quod  in  mundi  elementis  subsidat,  in  coelum  autem  minime  pertingat.  Alioqui  illud  etiam  verum  est,  sine  Christo  vanas  esse  rerum  omnium  scientias,  vanumque  esse  hominem,  qui  doctrinis  omnibus  instructus  Deum  ignoret.  Quin  etiam  hoc  quoque  vere  dicetur,  quodammodo  profanari  haec  praeclara  Dei  dona,  ut  sunt  ingenii  dexteritas,  acutum  iudicium,  doctrinae  liberales,  linguarum  cognitio:  quoties  in  homines  impios  inciderint.  21.  Quoniam  enim  in  sapientia  Dei  non  cognovit  mundus  per  sapientiam  Deum:  placuit  Deo  per  stultitiam  praedicationis  salvos  facere  credentes,  22.  siquidem  et  Iudaei  signum  petunt,  et  Graeci  sapientiam  quaerunt.  23.  Nos  autem  praedicamus  Christum  crucifixum,  Iudaeis  quidem  scandalum,  Graecis  autem  stultitiam  :  24.  ipsis  autem  vocatis  tam  Iudaeis  quam  Graecis,  Christum  Dei  potentiam,  et  Dei  sapientiam.  25.  Nam  stultitia  Dei  sapientior  est  hominibus:  et  infirmitas  Dei  robustior  est  hominibus.