47:325  325  CAPUT  XIV.  326  tamen  habent  nisi  evanidum  et  perversis  etiam  erroribus  implicitum.  7.  Si  cognovissetis  me.  Confirmat  quod  iam  diximus,  stultam  et  noxiam  esse  curiositatem,  quum  homines  eo  non  contenti  obliquis  semitis  ad  Deum  adspirant.  Fatentur  nihil  esse  Dei  notitia  melius:  quum  vero  prope  illis  adest  et  se  familiariter  insinuat,  vagantur  per  suas  speculationes  et  supra  nubes  quaerunt,  quem  praesentem  intueri  non  dignantur.  Reprehendit  ergo  discipulos  Christus,  quod  plenitudinem  deitatis  non  agnoscant  sibi  fuisse  in  ipso  exhibitam.  Video,  inquit,  non  rite  nec  legitime  hactenus  fuisse  me  a  vobis  cognitum,  quia  vivam  patris  effigiem,  quae  in  me  expressa  est,  nondum  cognoscitis.  Et  ab  hoc  tempore.  Hoc  addit  non  solum  ut  acerbitatem  reprehensionis  mitiget,  sed  etiam  ut  eos  accuset  ingratitudinis  ac  socordiae,  nisi  reputent  et  expendant  quid  sibi  datum  sit.  Nam  hoc  in  suae  potius  doctrinae  commendationem  dixit  quam  ut  fidem  eorum  extolleret.  Sensus  ergo  est,  Deum  illis  iam  nunc  conspicuum  patere,  si  modo  aperiant  oculos.  In  verbo  vivendi  exprimitur  fidei  certitudo.  8.  Dicit  ei  Philippus:  Domine,  ostende  nobis  patrem,  et  sufficit  nobis.  9.  Dicit  ei  Iesus:  Tanto  tempore  vobiscum  sum,  et  non  cognovistis  me?  Philippe,  qui  vidit  me,  vidit  patrem:  et  quomodo  tu  dicis:  Ostende  nobis  patrem  ?  10.  Non  credis,  quod  ego  in  patre,  et  pater  in  me  est?  verba,  quae  ego  loquor  vobis,  a  me  ipso  non  loquor:  pater  autem,  qui  in  me  manet,  ipse  facit  opera.  ll.  Credite  mihi  quod  ego  in  patre,  et  pater  in  me:  sin  minus,  propter  opera  ipsa  credite  mihi.  12.  Amen,  amen  dico  vobis,  qui  credit  in  me,  opera,  quae  ego  facio,  etiam  ipse  faciet,  et  maiora  his  faciet,  quia  ego  ad  patrem  meum  vado.  13.  Et  quod  petieritis  in  nomine  meo,  hoc  faciam,  ut  glorificetur  pater  in  filio.  14.  Si  quid  petieritis  in  nomine  meo,  ego  faciam.  8.  Ostende  nobis  patrem.  Videtur  esse  valde  absurdum,  quod  Domino  subinde  obstrepunt  apostoli.  Quorsum  enim  loquutus  erat,  nisi  ut  hoc  ipsum  doceret,  de  quo  interrogat  Philippus?  Nihil  tamen  vitiorum  in  illis  hic  describitur,  quod  nobis  non  sit  cum  illis  commune.  Testamur  cupide  no9  Deum  quaerere:  dum  se  oculis  nostris  ingerit,  caecutimus.  9.  Tanto  tempore  vobiscum  sum.  Iure  Philippum  obiurgat  Christus,  quod  puros  fidei  oculos  non  habuerit.  Deum  habebat  praesentem  in  Christo,  eum  tamen  non  intuebatur.  Quid  illi  obstitit  nisi  sua  ingratitudo?  Ita  et  hodie  male  in  evangelio  proficiunt,  qui  non  contenti  solo  Christo  in  erraticas  speculationes  feruntur,  ut  Deum  quaerant.  Stulta  haec  cupiditas  ex  contemptu  humilitatis  Christi