41:325  325  SERMON  I.  SUR  LE  V.  CHAP.  DE  DANIEL.  326  sacres  a  Dieu,  il  ne  laisse  pas  pourtant  de  le  despiter  par  ce  moien,  et  monstre  qu'il  ne  tient  comte  du  Dieu  qui  estoit  adore  en  Ierusalem.  Cet  orgueil  la,  donc  monstre  bien,  que  Balsazar  ha  voulu  faire  la  guerre  a  Dieu,  qu'il  ne  s'est  point  prins  a  des  vaisseaus  materiels,  mais  qu'il  ha  voulu  monstrer  que  Dieu,  voire  le  Dieu  d'Abraham,  n'avoit  nulle  puissance  sur  luy,  et  mesmes  qu'il  le  tenoit  comme  vaincu,  d'autant  qu'il  tenoit  le  peuple  des  Iuifs  captif,  et  qu'il  estoit  la  en  sa  subiection,  il  vouloit  aussi  bien  faire  son  triomphe  de  Dieu,  disant:  Ce  Dieu  n'ha  pas  eu  la  vertu  de  maintenir  son  peuple,  car  i'en  suis  bien  venu  a  bout.  Voila  quel  estoit  l'orgueil  de  Balsazar.  Au  reste,  il  nous  faut  aussi  noter  que  ces  vaisseaus  icy  estoient  dedies  par  le  commandement  de  Dieu,  et  selon  sa  parole  a  son  service,  tellement  qu'ils  representoient  sa  maieste,  et  ne  pouvoit-on  pas  s'adresser  la,  qu'on  ne  s'eslevast  contre  Dieu  mesmes.  Voila  deux  articles  que  nous  avons  icy  a  observer.  Quant  au  premier  encores  que  ces  vaisseaus  ne  fussent  rien,  toutesfois  puis  que  Balsazar  s'adresse  ainsi  a  Dieu,  par  un  tel  mespris  qu'il  fait  de  ses  vaisseaus,  il  faut  que  cet  orgueil  la  soit  tenu  comme  ��'il  le  faisoit  a  Dieu  mesmes.  Si  ie  despite  le  Soleil,  la  Lune,  les  estoilles,  ou  ie  ne  scay  quoy,  et  que  ie  le  face  en  despit  de  Dieu,  m'adresse-ie  aux  creatures?  Si  ie  despite  la  terre,  et  ce  qui  est  icy  bas,  fay-ie  seulement  iniure  a  ce  qui  est  soubs  mes  pieds?  Non,  mais  mon  orgueil  s'adresse  la  haut.  Nous  voions  mesmes  par  les  histoires  prophanes,  qu'il  y  ha  eu  des  meschans  qui  ont  este  griefvement  punis  pour  le  contemnement  des  idoles,  il  est  vray  qu'ils  pouvoient  bien  despiter  les  idoles,  mais  ils  le  faisoient  d'une  certaine  malice,  quant  ils  pensoient  s'adresser  a  la  maieste,  qui  est  au  ciel.  Quand  ils  y  ont  procede  d'une  telle  rage,  il  ha  falu  que  Dieu  ait  maintenu  son  honneur.  Il  est  vray  que  cependant  les  idolatres  n'ont  point  este  convertis  de  leurs  idolatries  et  superstitions,  plustost  ils  y  ont  este  confermes  par  cela:  et  Dieu  l'ha  permis,  mais  si  a-il  voulu  que  ceux  qui  s'adressoient  ainsi  a  luy,  n'eschapassent  point  sa  main  et  sa  vengeance:  et  nous  en  voions  l'exemple  en  beaucoup.  Or  quant  est  de  Balsazar  on  voit  combien  il  est  coupable  en  ce  qu'il  fait.  Les  vaisseaus  du  temple  estoient  dedies,  voire  par  l'ordonnance  de  Dieu.  Pourquoy  est-ce  qu'il  est  dit  que  Dieu  habitoit  au  temple  de  Ierusalem?  ce  n'est  pas  que  son  essence  y  fust  enclose,  car  nous  scavons  ce  que  dit  le  Prophete  Isaye:  Que  le  ciel  est  son  siege,  et  la  terre  est  son  marchepied,  qu'il  remplit  tout,  et  puis  Salomon  en  dediant  le  temple  dit:  Et  Seigneur,  les  cieux  ne  te  comprennent  pas,  et  comment  pourrois-tu  donc  demourer  en  ce  temple,  qui  est  basti  de  main  .d'hommes?  Voila  donc  comme  Dieu  n'estoit  point