32:325  325  PSALMUS  CXXVIII.  326  tis  orbitas  vel  sterilitas  longe  esset  felicior,  quam  luctuosa  foecunditas.  Itaque  non  abs  re  Solomo,  ut  clarius  illustret  Dei  beneficium  eoyivstav  ac  generosam  indolem  celebrat  in  liberis.  Videri  quidem  posset  similitudo,  qua  utitur,  paulo  asperior.  Quemadmodum  armatur  sagittarius  arcu  bene  instructo,  sic  homines  liberis  suis  muniri  tanquam  arcu  et  pharetra.  Si  quis  tamen  propius  expendat,  fatebitur  eleganter  hoc  fuisse  dictum:  admonet  enim,  quodammodo  esse  exarmatos  qui  sobole  carent,  quid  enim  aliud  est  orbitas  et  solitudo?  Non  vulgare  autem  est  Dei  donum,  hominem  renovari  in  sua  progenie:  quia  novum  robur  tunc  Deus  suppeditat,  ut  quasi  secundo  vivere  incipiat  qui  alioqui  statim  deficeret.  Haec  doctrina  apprime  cognitu  utilis  est,  nam  et  brutorum  animalium  foecunditas  uni  Deo  diserte  adscribitur.  Si  Deus  beneficium  suum  reputari  vult,  quod  vaccae  et  oves  et  equae  concipiunt,  quam  inexcusabilis  erit  hominum  pravitas,  ubi  Deus  honorifico  patrum  titulo  eos  ornat,  gratiam  hanc  pro  nihilo  ducere?  Adde  quod  nisi  homines  liberos  divinitus  sibi  dari  reputent,  contemptim  et  fastidiose  eos  alunt,  sicut  haec  cognitio  optimus  est  alacritatis  stimulus  ad  educandam  sobolem.  Iam  qui  sic  beneficium  reputat,  libere  et  sedato  animo  exspectabit  dum  gratiam  suam  continuet  Deus:  neque  etamsi  exiguum  patrimonium  filiis  relinquat,  ultra  modum  anxius  erit.  5.  {Non  pudefient  dum  loquentur.)  Describit  hic  liberos  qui  iustitia  et  integritate  praediti  non  dubitent  vitae  suae  rationem  reddere,  ut  os  malevolis  obstruant  et  calumniatoribus.  Scimus  in  portis  olim  actos  fuisse  legitimos  conventus.  Perinde  ergo  hic  de  porta  loquitur  Solomo,  ac  si  nunc  quis  Tribunal  diceret,  vel  Curiam,  vel  Senatum.  Ac  notemus,  praecipue  innocentiam  laudari  in  sobole,  ut  hanc  gratiam  suo  pretio  aestiment  patres.  Nuper  liberos  virtute  et  praeclara  natura  ornatos  sagittis  similes  fecerat:  ne  quis  hoc  ad  violentiam  traheret,  ac  si  latronum  instar  permitteret  per  fas  et  nefas  grassari,  praesidium  quod  patribus  suis  afferre  debent,  diserte  in  virtute  morumque  integritate  statuit.  Docet  ergo  optandus  esse  tales  liberos  qui  non  violenter  opprimant  miseros  homines,  praevaleant  astu  et  fraudibus,  multas  opes  iniuste  sibi  accumulent,  tyrannicam  potentiam  sibi  acquirant,  sed  qui  aequitatem  colant,  non  recusent  subesse  legibus,  parati  sint  ad  vitae  suae  defensionem.  Quamvis  autem  sub  casta  disciplina  sedulo  formare  debeant  patres  suos  liberos,  meminerint  tamen  id  se  nonnisi  mera  et  singulari  Dei  gratia  posse  consequi.  Subindicat  etiam  Solomo,  quantumvis  probitati  addicti  simus,  nunquam  tamen  defore  nobis  obtrectatores,  quia  si  ab  omni  maledicto  immunis  esset  integritas,  nulla  esset  cum  inimicis  disceptatio.