7:324  venit,  nisi  insatiabilis  rixandi  libido  vel  potius  muliebris  impotentia  eos  abriperet.  Contendunt  Ghristum,  quia  sit  ex  substantia  patris,  non  a  se  ipso  esse,  quum  aliunde  principium  habeat.  Haec  illis  de  persona  confiteor.  Quid  amplius  petunt?  Fateor  itaque  Dei  filium  esse  a  patre,  et  quum  personae  ratio  [pag.  63]  habetur,  fateor  eum  non  esse  a  se  ipso.  Quum  autem  absque  personae  intuitu,  de  eius  divinitate,  vel  simpliciter  de  essentia,  quod  idem  est,  habetur  sermo,  dico  hoc  vere  praedicari,  quod  sit  a  se  ipso.  Quis  enim  hactenus  sub  nomine  Iehova  contineri  expressionem  avtovaiac  negavit?  Proinde  dum  obiiciunt  filium  esse  a  patre,  id  ego  libenter  non  modo  confiteor,  sed  perpetuo  etiam  praedicavi.1)  Verum  hoc  est  in  quo  asini  isti  falluntur,  quia  non  considerant  nomen  filii  dici  de  persona,  ideoque  in  praedicamento  relationis  contineri:  quae  relatio  locum  non  habet,  ubi  de  Christi  divinitate  simpliciter  agitur.  Qua  de  re  eleganter  disserit  Augustinus  in  Psalmum  68.  quem  scriptorem  isti  identidem  iactitant,  quum  tamen  nihil  unquam  illius,  nisi  rhapsodias,  nescio  quas,  legerint.  Verba  sunt:  Si  quis  interroget  idemne  sit  pater  quod  filius,  responde,  secundum  substantiam  idem  esse,  non  secundum  quod  ad  aliud  dicitur.  Ad  se  enim  Deus  dicitur,  ad  patrem  filius  dicitur;  rursusque  pater  ad  se  Deus  dicitur,  ad  filium  pater.  Quod  dicitur  ad  filium  pater,  non  est  filius;  quod  dicitur  filius  ad  patrem,  non  est  pater;  quod  dicitur  ad  se  pater,  et  filius  ad  se,  hoc  est  pater  et  filius  idem  Deus.  Hactenus  ille.  Iam,  ista  distinctione  adhibita,  quid,  obsecro,  ambigui  manet  amplius?  Quamobrem  idem  sanctus  vir,  Homilia  in  Ioannem  39.  postquam  movit  hanc  quaestionem,  qualiter  [pag.  64]  pater  et  filius  sint  simul  principium,  hac  solutione  utitur,  quod  hoc  solo  numerum  insinuant,  quatenus  sunt  ad  invicem,  non  autem  quod  ad  se  sunt.  Item  in  Psal.  109:  Si  pater  principium  est,  inquit,  et  filius  principium,  suntne  duo  principia?  Minime.  Sicut  enim  pater  est  Deus,  ita  et  filius  Deus;  itaque  uterque  est  principium.  Et,  Homil.  38.  de  Columba  et  spiritu,  copiose  tractat  quantum  intersit  relative  aut  substantialiter  de  Deo  loqui.  Nunc  ad  Carolum  redeo.  Fingit  Calvinum  in  synodo  Bernensi  in  eas  angustias  redactum  esse,  ut  misere  sudaret  nec  se  posset  extricare;  quasi  haec  solutio,  qua  tunc  quoque  usus  est  Calvinus,  adeo  sit  perplexa  vel  intricata.  Sed  iterum  admonendi  sunt  lectores  quam  vel  obliviosus  sit,  vel  non  compos  mentis,  qui  Calvino  in  memoriam  reducit  synodum  Bernensem,  quum  synodo  Lausannensi  se  interesse  fingat,  quae  tempore  praecessit.  Ut  tamen  hoc  illi  condonem,  quod  difficile  sit  tam  multa  1)  Hic  satis  aperte  autor  se  Calvmum  prodit.