54:324  nous  faut  employer  fidelement  en  ce  que  nostre  office  porte,  si  nous  ne  voulons  estre  coulpables  devant  Dieu.  Car  combien  que  nous  soyons  tenus  et  obligez  au  monde,  toutesfois  Dieu  est  nostre  principale  partie:  et  c'est  la  qu'il  nous  faut  regarder.  Ce  n'est  point  assez  d'avoir  pour  un  temps  monstre  .  un  signe  que  nous  ne  demandons  qu'a  nous  employer  au  bien,  mais  il  faut  continuer  iusques  au  bout,  et  faut  approuver  nostre  ministere,  c'est  a  dire,  nostre  service,  que  nous  monstrions  que  nous  n'avons  point  ce  titre  a  fausses  enseignes,  comme  ceux  qui  se  glorifient  d'un  estat,  et  cependant  ne  font  que  polluer  le  lieu  ou  ils  sont,  et  y  despiter  Dieu.  Helas,  il  vaudroit  beaucoup  mieux  qu'ils  baissassent  la  teste,  et  qu'ils  n'eussent  occasion  sinon  de  se  cacher  devant  les  hommes,  et  d'avoir  toute  vergongne.  Car  l'honneur  qu'ils  usurpent  leur  sera  bien  cher  vendu,  quand  ils  n'auront  point  fait  leur  profit  pour  servir  a  Dieu  en  l'estat  auquel  il  les  a  occupez.  Et  sur  tout,  quand  il  nous  a  constituez  en  charge  honorable,  que  cela  nous  enfiambe  tant  plus.  Nous  scavons  qu'en  la  maison  d'un  Roy  et  d'un  Prince,  il  n'y  a  nul  estat  petit  ne  contemptible.  Or  si  nostre  Seigneur  nous  appelle  pour  le  servir  en  sa  maison,  ne  devons-nous  point  prendre  cela  a  plus  grand  honneur  cent  mille  fois,  que  si  nous  estions  a  un  Prince  terrien,  qui  n'est  rien  au  prix?  Mais  encores  quand  chacun  regardera,  Or  ca,  me  voici  une  creature  inutile,  et  neantmoins  Dieu  me  veut  encores  employer  a  son  service:  et  combien  que  ie  ne  vaille  rien,  si  est-ce  qu'il  veut  tirer  de  moy  service  agreable.  Et  comment?  Il  me  fait  ceste  grace,  combien  que  ie  ne  puisse  rien  apporter  de  mon  propre,  que  par  son  sainct  Esprit  il  veut  estre  glorifie  en  moy.  Quand  il  n'y  auroit  que  cela,  ne  devons-nous  pas  estre  bien  incitez  a*  ratifier  nostre  ministere,  c'est  a  dire,  a  monstrer  que  ce  n'est  point  en  vain  que  Dieu  nous  a  choisis,  et  qu'il  nous  a  voulu  donner  lieu  en  sa  maison^  afin  de  nous  employer  pour  luy?  C'est  ce  que  nous  avons  a  retenir  sur  ces  mots  de  sainct  Paul.  Mais  notons  bien  ce  qu'il  adiouste,  De  moy  (ditil)  ie  m'en  vay  estre  sacrifie,  et  le  temps  de  mon  departement  {ou,  de  ma  resolution)  est  prochain.  Quand  il  parle  ainsi,  c'est  pour  monstrer  a  Timothee  qu'il  faut  qu'il  se  fortifie  d'oresenavant,  pource  qu'il  n'aura  pas  une  telle  aide,  et  un  tel  baston  qu'il  avoit  eu.  Car  ce  n'est  pas  sans  cause  que  sainct  Paul  l'appelle  son  vray  fils  et  nais:  comme  s'il  disoit,  mon  fils  naturel:  non  point  qu'il  l'eust  engendre  selon  la  chair,  mais  il  veut  monstrer  que  c'estoit  un  enfant  qui  ne  demandoit  qu'a  se  conformer  du  tout  a  son  pere.  Yoila  donc  quel  estoit  Timothee  de  son  coste.  Or  sainct  Paul  ne  luy  a  point  defailli,  qu'il  ne  se  soit  monstre  pere  envers  luy  aussi  bien.  Timothee  donc  du  vivant  de  sainct  Paul  avoit  une  bonne  aide