5:324  probitatis  studio,  summam  in  contemnendo  Dei  iudicio  securitatem  produnt.  Deinde  quia  Deum  non  infinita  ipsius  maiestate,  sed  fatua  stupidaque  ingenii  sui  vanitate  metiuntur,  a  vero  Deo  ita  desciscunt.  Proinde  quantalibet  colendi  Dei  cura  sese  postea  fatigent,  nihil  efficiunt:  quoniam  non  Deum  aeternum,  sed  cordis  sui  somnis  et  deliria  pro  Deo  adorant.  Vera  autem  pietas  non  in  timore  sita  est  qui  Dei  iudicium  libenter  quidem  fugiat,  sed  quia  effugere  nequeat,  formidet:  sed  sincero  magis  affectu  constat,  qui  Deum  non  secus  ac  patrem  diligat,  perinde  ac  dommum  timeat  ac  revereatur,  iustitiam  eius  amplexetur,  offensionem  morte  peius  horreat.  Et  quicunque  sunt  ea  praediti,  non  quemlibet  sibi  Deum  pro  sua  temeritate  fingere  audent:  sed  veri  Dei  cognitionem  ab  ipso  petunt,  non  alium  concipientes,  quam  qualem  se  ipse  exhibet  ac  declarat  QUID  DE  DEO  NOBIS  COGNOSCENDUM.  Porro  quoniam  ipsa  in  se  Dei  maiestas  humani  intellectus  captum  longe  superat,  atque  adeo  ipso  [pag.  3]  comprehendi  nequaquam  potest,  eius  sublimitatem  adorari  magis  quam  perscrutari  convenit,  ne  tanto  fulgore  penitus  obruamur.  Quare  in  suis  operibus  quaerendus  est  nobis  Deus,  et  inve&tigandus:  quae  hac  ratione  in  scripturis  vocantur  spectacula  rerum  invisibilium,  quia  quod  de  Domino  intueri  alioqui  non  possumus,  nobis  repraesentant.  Id  autem  est,  non  quod  nostra  ingenia  inanibus  vanisque  speculationibus  suspendat  :  sed  quod  nostra  scire  referat,  solidamque  pietatem,  hoc  est  fidem  cum  timore  coniunctam  in  nobis  pariat,  nutriat,  ac  confirmet.  Contemplamur  enim  in  hac  rerum  universitate,  Dei  nostri  immortalitatem,  e  qua  omnium  principium  origoque  fluxerit;  potentiam,  quae  tan-