41:324  les  ensuivions  en  cet  endroit,  mais  plustost  connoissions  que  l'ivrongnerie  est  la  mere  de  tous  maux:  Que  nous  l'aions  en  tant  plus  grande  detestation  (comme  elle  en  est  digne)  car  il  est  dit  que  Dieu  se  venge  de  ses  creatures.  Or  le  bien  est  donne  a,  l'homme  pour  luy  donner  refection  et  nourriture,  et  pour  en  user  selon  Dieu,  et  cependant  par  ce  moien  mesme,  les  hommes  se  veulent  despiter  contre  luy,  et  mesmes  ils  le  mesprisent.  Que  fait  un  ivrongne  sinon  que  quand  il  ha  prive  son  ame  de  toute  raison,  qu'il  tue  aussi  bien  son  corps?  Oo  verra  que  le  vin  abatra  un  homme,  comme  s'il  avoit  beu  quelque  poison,  et  au  lieu  qu'il  luy  devroit  estre  pour  nourriture  et  substance,  il  faut  que  ce  soit  l'instrument  pour  le  faire  mourir.  Quand  donc  l'ordre  de  nature  est  ainsi  perverti,  ne  trouvons  point  estrange  si  Dieu  leve  la  main,  et  s'il  fait  office  de  Iuge:  car  il  faut  bien  que  les  hommes  aient  perdu  toute  prudence,  quand  ils  poluent  les  biens  que  Dieu  aura  mis  entre  leurs  mains  pour  leur  usage:  et  au  reste,  notons  bien  ceci,  que  l'ivrongnerie  incitera  un  homme  non  seulement  a  s'adresser  et  eslever  contre  chacun,  qu'il  n'aura  plus  raison  en  soy,  mais  qu'il  s'eslevera  aussi  bien  a  l'encontre  de  Dieu.  Et  c'est  bien  le  plus  grand  exces  que  cestuici  quand  un  homme  non  seulement  ne  regarde  pas  quel  il  doit  estre  envers  ses  prochains,  mais  quand  il  vient  lever  les  cornes  a  l'encontre  de  Dieu.  Nous  ne  voions  pas  que  Balsazar  ait  fait  apporter  les  vaisseaus  du  temple,  avant  que  d'estre  saoul:  mais  quand  il  est  enivre,  il  n'y  ha  plus  nulle  modestie  en  luy,  qu'il  faut  qu'il  despite  Dieu,  iusques  au  bout.  Or  icy  on  pourroit  demander  pourquoy  Dieu  ha  prins  cela  a  un  tel  outrage  que  les  vaisseaus  du  temple  fussent  apportes  pour  boire  dedans,  car  on  scait  bien  que  la  maieste  de  Dieu  n'estoit  point  enclose  dedans  ces  vaisseaus  la,  qui  estoient  materiels  comme  les  autres,  ils  avoient  este  transportes  du  temple  en  Babilonne,  il  semble  qu'ils  ne  soient  plus  sacres,  encores  qu'ils  l'eussent  este  auparavant,  mais  il  nous  faut  regarder  l'intention  de  Balsazar,  car  luy  sachant  que  ses  vaisseaus  avoient  este