7:323  323  ADVERSUS  P.  CAROLI  324  ad  iudicandum,  verbum  non  adderem.  Sed  quia  sunt  intempestivi  quidam  et  barbari  homines  qui  nunquam  satisfieri  sibi  patiuntur,  [pag.  61]  quid  illorum  morositati  vel  potius  truculentiae  facias?  -  Quoniam  tamen  Calvinus  quum  locum  illum  a  paucis  quibusdam  Caroli  aemulis  adhuc  adlatrari  audiisset,  excusationem  composuit  quae  aequis  simul  et  iniquis  satisfaceret,  vel  saltem  os  obstrueret;  non  pigebit  ex  ea  quoque  adiicere  quae  praesenti  apta  instituto  videbuntur.  Quod  tanquam  ex  tripode,  inquit,  haereticos  pronunciant,  qui  dicunt  Christum,  in  quantum  Deus  est,  a  se  ipso  esse,  facilis  est  responsio.  Ego  enim  utrumque  verum  assero,  et  esse  Christum  a  patre,  ut  secunda  est  persona,  et  a  se  ipso  esse,  si  divinam  eius  essentiam  simpliciter  respicimus.  Nam  sicut  hoc  inter  orthodoxos  patres  semper  fuit  receptum  atque  adeo  ex  scripturis  colligi  rite  potest,  Christum  a  patre  esse,  ita  audio  quid  de  eius  essentia  ubique  scriptura  praedicet,  quid  etiam  iidem  illi  sancti  scriptores  profiteantur.  Atque  id  est  quod  orientales  episcopos  definiisse  Hilarius  l)  refert,  si  quis  intemporalem  filii  de  patre  hypostasin  ad  innascibilem  Dei  essentiam  referat,  quasi  filium  patrem  dicens,  anathema  sit.  Item  Augustinus  :2)  ea  nomina  quae  substantiam,  vel  potentiam,  vel  essentiam  Dei  significant,  vel  quidquid  proprie  ad  se  dicitur  Deus,  omnibus  personis  aequaliter  conveniunt.  Non  est  ergo  aliquod  naturae  nomen,  quod  sic  patri  convenire  possit  ut  aut  filio  aut  spiritui  sancto  convenire  non  queat.  Item  libro  quinto  de  Trinitate:  [pag.  62]  Illud  praecipue  teneamus:  quidquid  ad  se  dicitur  Deus,  substantialiter  dici,  quod  ad  aliquid,  non  substantialiter,  sed  relative,  tantamque  vim  esse  eiusdem  substantiae  in  patre,  filio  et  spiritu  sancto,  ut  quidquid  de  singulis  ad  se  ipsos  dicitur,  non  pluraliter,  sed  singulariter  accipiatur.  Sed  quid  tanquam  de  re  ambigua  disputo?  Cyrillus  Christum  fore  mortalem  et  corruptibilem  ratiocinatur,  nisi  a  se  ipso"  vitam  et  immortalitatem  habeat.  Dicam  tamen  adhuc  apertius.  Hic  status  est  controversiae:  numquid  vere  de  Christo  praedicari  possit,  ipsum,  quatenus  Deus  est,  esse  a  se  ipso?  Hoc  negant  quidam  Aristarchi.  Cur?  Quia  Christi  nomen  secundam  in  Deo  personam  designet,  cui  relatio  est  ad  patrem.  Fateor  si  respectus  ad  personam  habetur  non  ita  loquendum  esse,  sed  dico  hoc  esse  non  personae,  sed  essentiae  elogium.  Habeo  idoneum  huius  loquutionis  autorem  spiritum  sanctum  qui  sententias  omnes  quibus  αὐτουσία  3)  Dei  praedicatur,  ad  Christum  refert,  quum  aliis  locis,  tum  primo  capite  ad  Hebraeos.  Denique  satis  de  re  ipsa  inter  nos  con-  1)  De  Synodis  2)  Sermone  38.  de  tempore.  3)  In  impresso  typis  latinis  maiuscuiis  legitur.