6:323  RESPONSIO  CONTRA  PIGHIUM  audiunt  atque  discunt.  Qui  autem  non  credunt,  foris  audiunt,  intus  non  audiunt,  neque  discunt:  hoc  est,  illis  datur  ut  credant,  his  non  datur.  Quod  apertius  etiam  postea  declarat:  Nemo  potest  venire  ad  me,  nisi  pater  meus  traxerit  eum.  Item:  Nisi  cui  datum  fuerit  a  patre  meo.  Ergo  trahi  ad  Christum,  et  audire  ac  discere  a  patre,  nihil  aliud  est  quam  donum  accipere  credendi.  Neque  enim  audientes  a  non  audientibus,  sed  credentes  a  non  credentibus  discernit,  qui  dicit:  Nemo  venit  ad  me,  nisi  datum  ei  fuerit.  Fides  igitur,  et  inchoata  et  perfecta,  est  donum  Dei.  Item:  Promisit  Deus  quod  facturus  erat  ipse,  non  quod  homines.  Quia  etsi  faciunt  homines  bona  quae  pertinent  ad  Dei  cultum,  ipse  facit,  ut  illi  faciant  quae  praecepit:  non  illi  faciunt,  ut  ipse  faciat  quod  promisit.  Alioqui,  ut  Dei  promissa  compleantur,  non  in  Dei,  sed  hominum  est  potestate.  Item:  Quum  sic  loquitur  Deus:  Timorem  meum  dabo  in  cor  eorum,  quid  aliud  est,  quam  talis  ac  tantus  erit  timor  meus,  quem  dabo  in  cor  eorum,  ut  mihi  perseveranter  [pag.  126]  adhaereant?  Item:  Certum  est,  nos  mandata  servare  si  volumus:  sed  quia  praeparatur  a  Domino  voluntas,  ab  illo  petendum  est,  ut  tantum  velimus  quantum  sufficit  ut  faciamus.  Certum  est,  nos  velle,  quum  volumus:  sed  ille  facit,  ut  velimus  bonum.  Certum  est,  nos  facere,  quum  facimus  :  sed  ille  facit  ut  faciamus,  prae-  .bendo  vires  efficacissimas  voluntati.  Item:  An  audebis  dicere,  etiam  rogante  Christo,  ne  deficeret  fides  Petri,  defecturam  fuisse,  si  Petrus  eam  deficere  vellet?  Quasi  aliud  vellet  Petrus  ullo  modo,  quam  pro  illo  Christus  rogasset  ut  vellet.  Quando  igitur  rogavit,  ne  fides  eius  deficeret,  quid  aliud  rogavit,  nisi  ut  haberet  in  fide  liberrimam,  fortissimam,  invictissimam,  perseverantissimam  voluntatem  ?  Verum,  ubi  ad  primi  hominis  et  posterorum  comparationem  descendit,  sic  concludit  totam  hanc  partem,  ut  silere  iam  debeat  Pighius:  aut  si  porro  oblatrare  pergat,  nihil  tamen  habiturus  sit,  quod  mordeat.  Postquam  enim  primum  integritatis  statum,  deinde  lapsum,  et  simul  poenam  lapsus  exposuit,  hoc  est,  miseram  hanc  nostri  generis,  quae  ex  eo  consequuta  est,  damnationem,  transitum  inde  ad  reparationem  faciens  sic  scribit:  Quemadmodum  humanam  in  Christo  naturam,  nullis  eius  propriis  meritis,  gratuita  sua  benevolentia  hoc  honore  dignatus  est  Deus  pater,  ut  homo  in  utero  virginis  conceptus  filius  Dei  vocaretur,  idque  hac  lege,  ut  sic  a  Deo  suscepta  hominis  natura  nullum  in  se  motum  admitteret  malae  voluntatis:  ita  per  hunc  mediatorem  Dens  ostendit,  eos  quos  sanguine  eius  redemit,  iacere  se  ex  malis  in  aeternum  bonos.  Istam  gratiam  non  habuit  homo  primus,  qua  nunquam  vellet  esse  malus,  sed  habuit,  in  qua  si  permanere