55:323  323  EPIST.  IOHANNIS  324  Ut  manifesti  fierent.  Utile  ac  necessarium  esse  ecclesiae  examen  docet:  unde  ex  adverso  sequitur  non  esse  iustam  perturbationis  causam.  Quum  sit  areae  similis  ecclesia,  ventilari  paleam  oportet,  ut  triticum  purum  maneat:  hoc  facit  Deus,  quum  emittit  hypocritas  ex  ecclesia:  eam  enim  quisquiliis  et  sordibus  purgat.  20.  Et  vos  unctionem  habetis  a  sancto:  et  novistis  omnia.  21.  Non  scripsi  nobis,  quia  non  noveritis  veritatem:  sed  quia  novistis  eam,  et  quia  omne  mendacium  ex  veritate  non  est.  22.  Quis  est  mendax,  nisi  qui  negat  Iesum  esse  Christum  ?  Hic  est  antichristus,  qui  negat  patrem  et  filium.  23.  Omnis  qui  negat  filium,  neque  patrem  habet  20.  Et  vos  unctionem.  Modeste  excusat  apostolus,  quod  eos  tam  sollicite  admonet:  ne  putent  oblique  se  perstringi,  quasi  rudes  ignarosque  eorum  quae  probe  tenere  debuerant.  Sic  Paulus  (Rom.  1,  14)  Romanis  concedit  prudentiam,  ut  aliis  etiam  monendis  sint  pares  et  idonei  :  simul  tamen  ostendit,  non  posse  aliter  se  munere  sibi  iniuncto  defungi,  quin  eos  commonefaciat.  Neque  tamen  adulatorie  sic  loquuntur  apostoli:  sed  hoc  modo  prudenter  cavent  ne  ab  ullo  hominum  genere  respuatur  sua  doctrina  :  quum  non  modo  rudibus,  sed  in  schola  Domini  eruditis  congruere  et  utilem  esse  denuntiant.  Usus  ipse  docet  quam  fastidiosae  sint  hominum  aures.  Tale  quidem  a  piis  debet  abesse  fastidium:  boni  tamen  ac  prudentis  doctoris  est  nihil  omittere,  quo  sibi  audientiam  apud  omnes  faciat.  Certum  est  autem,  nos  minori  attentione  et  reverentia  excipere  quod  dicitur,  si  putamus  eum,  qui  loquitur,  intelligentiam,  quae  a  Domino  data  est  nobis,  detrahere.  Simul  hac  laude  acuit  apostolus  lectores,  quia  minus  excusationis  habent  qui  dono  intelligentiae  sunt  praediti,  nisi  alios  profectu  antecedant.  Summa  est,  quod  apostolus  eos  non  docet  tanquam  rudes  et  elementarios,  sed  res  iam  cognitas  in  memoriam  illis  reducit:  deinde  quod  ad  excitandas  spiritus  scintillas  eos  hortatur,  ut  plenus  in  illis  fulgor  luceat.  Ac  se  ipsum  exponit  proximis  verbis,  se  ideo  scripsisse  negans  quod  veritatem  ignorent,  sed  quod  in  ea  probe  sint  edocti.  Nam  si  rudes  prorsus  fuissent  ac  novitii,  capere  non  potuissent  hanc  doctrinam.  Quod  autem  omnia  dicit  novisse,  non  universaliter  capi,  sed  ad  praesentis  loci  circumstantiam  restringi  debet.  Caeterum  quum  dicit  eos  habere  unctionem  a  sancto,  non  dubito  quin  ad  veteres  figuras  alludat.  Nam  e  sanctuario  petebatur  oleum  ad  ungendos  sacerdotes.  Daniel  autem  adventum  Christi  tempus  proprium  esse  definit  ungendo  sancto  sanctorum  (Dan.  9,  24).  Nam  ideo  unctus  a  patre  fuit,  ut  multiplices  copias  ex  sua  in  nos  plenitudine  diffundat.  Hinc  sequitur,  non  acumine  proprii  sensus