54:323  323  SERMON  XXVII  324  ordonne,  afin  d'avoir  esgard  sur  les  Pasteurs,  de  mettre  police  et  ordre  par  toutes  les  Eglises.  Puis  donc  que  Dieu  l'avoit  tant  honore,  c'est  bien  raison  qu'il  s'efforce  de  faire  tant  mieux.  Car  quelle  ingratitude  sera-ce,  si  nous  ne  nous  employons  de  tout  nostre  pouvoir,  quand  Dieu  non  seulement  nous  adopte  au  rang  de  ses  enfans,  mais  qu'il  veut  que  nous  ayons  regime  et  superintendence  en  sa  maison:  Comme  il  a  este  dit  ci  dessus,  que  si  l'office  de  prescher  nous  est  commis,  Dieu  nous  constitue  dispensateurs  des  secrets  admirables  qui  sont  pour  elever  son  Royaume  en  ce  monde.  Et  mesmes  quand  nons  pensons  a  ce  que  Dieu  nous  est  manifeste  en  chair,  et  que  sa  gloire  celeste  nous  est  apparue,  et  que  celuy  qui  a  vestu  nostre  nature,  est  adore  des  Anges,  que  toutes  creatures  luy  font  hommage,  qu'il  est  constitue  en  cest  empire  souverain  du  ciel  et  de  la  terre,  et  le  tout  pour  nostre  salut:  quand  (di-ie)  nous  pensons  a  cela,  ne  devonsnous  pas  estre  ravis  en  estonnement?  Car  nous  sommes  des  vaisseaux  fragiles,  voire  des  pots  cassez  de  nulle  valeur:  et  cependant  Dieu  veut  que  ce  thresor  soit  porte  par  nous.  Ainsi  donc  c'est  bien  raison  que  nous  mettions  peine  de  nous  acquitter  fidelement  de  nostre  devoir,  et  que  ceux  qu'il  a  constituez  ministres  de  sa  Parole  auront  un  plus  grand  conte  a  rendre,  que  s'ils  estoyent  seulement  du  rang  des  fideles.  Voila  donc  pourquoy  notamment  sainct  Paul  dit  a  Timothee,  Qu'il  face  ouvrage  d'Evangeliste,  et  qu'il  approuve  (ou  qu'il  accomplisse)  son  ministere:  comme  s'il  disoit,  Ce  n'est  pas  le  tout  que  tu  ayes  le  titre,  mais  il  faut  que  tu  entendes  que  celuy  qui  t'a  appele,  veut  que  tu  demeures  son  serviteur  iusques  au  bout.  Et  au  reste,  advisons  de  tirer  une  regle  generale  de  ces  mots  de  sainct  Paul:  c'est  qu'uu  chacun  regarde  a  soy,  et  qu'il  scache  quel  est  son  estat  et  sa  facon  de  vivre  ou  Dieu  Ta  appele.  Qu'un  homme  cognoisse,  s'il  est  marie,  a  quelle  condition  c'est:  ascavoir,  qu'il  ait  la  charge  de  son  mesnage,  qu'il  vive  paisiblement  avec  sa  femme,  et  qu'il  luy  soit  chef  pour  la  bien  conduire,  qu'il  la  supporte,  qu'il  tasche  d'instruire  ses  enfans  en  la  crainte  de  Dieu,  qu'il  travaille,  et  qu'il  porte  patiemment  les  fascheries  domestiques,  par  lesquelles  Dieu  exerce  un  chacun.  Apres,  si  un  homme  a  des  serviteurs,  qu'il  cognoisse  qu'il  faut  que  Dieu  domine  par  dessus,  et  cependant  qu'il  les  employe  tellement*  que  luy  soit  pour  leur  monstrer  bon  exemple.  Que  celuy  qui  est  en  estat  public  regarde  bien  a  soy,  qu'il  n'est  point  la  seulement  du  coste  des  hommes,  mais  qu'il  faut  qu'il  compare  une  fois  devant  Dieu,  qui  s'est  reserve  la  superiorite  par  dessus  tous  estats.  Voila  donc  comme  chacun  doit  faire  ceste  conclusion,  qu'en  quelque  estat  qu'il  vive,  Dieu  le  veut  avoir  a  son  service,  et  qu'il