52:323  323  EPIST.  PAULI  AD  TIMOTHEUM  I  324  ipsa  tamen  praefectura,  qua  dignatur  ipsos  Deus,  honorem  semper  meretur.  Adde  quod  nullus  operam  suam  vel  obsequia  domino  sponte  impendet,  nisi  persuasus  fuerit  se  debere.  Unde  sequitur,  subiectionem  ab  hoc  honore  incipere  quo  Paulus  dignos  vult  censeri  qui  praesunt.  Ne  Dei  nomen.  Semper  in  nostrum  commodum  plus  quam  oporteret  ingeniosi  sumus.  Ita  servis,  si  infideles  habeant  dominos,  prompta  est  obiectio,  indignum  esse  ut  qui  diabolo  serviunt,  imperent  filiis  Dei.  Paulus  autem  in  contrariam  partem  retorquet  argumentum,  ideo  infidelibus  dominis  parendum  esse  ne  male  audiat  nomen  Dei  et  evangelium:  quasi  Deus  ille,  quem  colimus,  ad  rebellandum  nos  incitet  :  quasi  evangelium  contumaces  reddat  et  praefractos  qui  aliis  subiecti  esse  debent.  2.  Qui  autem  fideles.  Fraternum  nomen  videtur  aequalitatem  statuere,  atque  ita  tollere  dominium.  Paulus  ex  adverso  ratiocinatur,  eo  libentius  debere  servos  fidelibus  dominis  se  subiicere,  quia  filios  Dei  agnoscunt,  et  fraterno  amore  illis  sunt  devincti,  et  eiusdem  gratiae  consortes.  Neque  enim  vulgaris  est  ista  dignatio,  quod  Deus  eos  terrenis  heris  in  eo,  quod  praecipuum  est,  aequavit:  nam  communem  simul  adoptionem  habent.  Hoc  ergo  non  leve  illis  incitamentum  esse  debet  ad  servitutem  aequo  animo  ferendam.  Adde  quod  servitus  magis  tolerabilis  est  sub  mansuetis  heris,  qui  nos  diligunt,  et  quos  mutuo  diligimus.  Ipsum  etiam  fidei  vinculum  optime  inter  se  conciliat  quibus  diversa  est  conditio.  Baec  doce  et  exhortare.  3.  Si  quis  aliter  docet,  nec  acquiescit  sanis  sermonibus  Domini  nostri  Iesu  Christi,  et  ei  quae  secundum  pietatem  est  doctrinae,  4.  inflatus  estt  nihil  sciens,  sed  languens  circa  quaestiones  et  pugnas  verborum,  ex  quibus  oritur  invidia,  contentio,  maledicentiae  suspiciones  malae,  5.  super'  vacuae  conflictationes  hominum  mente  corruptorum,  et  qui  veritate  privati  sunt,  existimantium  quaestum  esse  pietatem.  Seiungere  a  talibus.  Haec  doce.  Intelligit  haec  esse  quibus  docendis  insistere  debeat:  et  doctrinae  vult  exhortationes  coniungi.  Perinde  ergo  est  ac  si  dixisset,  quotidie  inculcandum  esse  hoc  doctrinae  genus.  Nec  docendos  modo  esse  homines,  sed  exhortationibus  quoque  assiduis  stimulandos  ac  urgendos.  3.  Si  quis  aliter.  Quia  verbum  eBt  compositum,  potest  etiam  non  male  transferri,  alia  docet.  Quamquam  in  sensu  nulla  est  ambiguitas.  Damnat  enim  eos  omnes,  qui  in  hac  docendi  ratione  non  conveniunt:  etiamsi  non  aperte  neque  ex  professo  oppugnent  sanam  doctrinam.  Fieri  enim  potest  ut  qui  nullum  alioqui  profitetur  impium  vel  manifestum  errorem,  futili  tamen  garrulitate  se  venditando,  pietatis  doctrinam  adulteret.  Nam  ubi  in  ipsa  doctrina