50:323  323  SERMONS  324  affection  de  le  servir,  si  est-ce  qu'en  tout  et  partout  ils  ne  sont  pas  si  bien  reiglez  qu'ils  ayent  renonce  a  toutes  leurs  opinions  et  fantasies,  et  a  tous  leurs  desirs,  tellement  que  chacun  sera  tente  quelquefois  de  faire  ceci  ou  cela,  et  si  on  ne  nous  tient  en  bride  courte,  et  qu'on  nous  face  revirer  bientost,  nous  irons  a  nostre  perdition:  bref,  il  n'y  a  celuy  qui  ne  voulust  qu'on  luy  gratifiast:  tellement  que  si  ceux  qui  ont  la  charge  d'edifier  et  d'enseigner  l'Eglise  vouloyent  complaire  aux  hommes,  il  faudroit  qu'ils  renoncassent  a  nostre  Seigneur  Iesus  Christ.  Or  par  ceci  tous  ministres  de  sa  Parole  sont  enseignez  de  fermer  les  yeux  quand  ils  se  veulent  acquitter  fidelement  de  leur  devoir,  qu'ils  ne  doivent  point  flechir,  regardans  les  hommes  selon  leurs  appetis  desbordez  qu'ils  voyent:  mais  qu'ils  n'appetent  point  leur  grace  et  faveur:  et  s'ils  taschent  de  conduire  a  Dieu  ceux  mesmes  qui  veulent  estre  revesches,  qu'ils  facent  tant,  quoy  qu'il  en  soit,  que  Dieu  ait  son  droict,  et  que  nostre  Seigneur  Iesus  ait  son  authorite.  Car  (comme  i'ay  desia  dit)  quand  nous  parlons  en  son  nom,  qu'est-il  de  faire?  Il  nous  faut  condamner  tout  ce  qui  est  de  nostre  nature,  non  seulement  en  general,  mais  il  nous  faut  remuer  les  consciences  en  telle  sorte  que  chacun  sente  que  Dieu  exerce  la  une  iuridiction,  et  que  l'Evangile  n'est  pas  seulement  une  lancette  pour  sonder,  mais  que  c'est  un  glaive  qui  transperce  iusques  a  la  mouelle  de  nos  os,  comme  l'Apostre  en  parle  en  l'Epistre  aux  Hebrieux.  Il  faut  donc  qu'il  n'y  ait  ni  pensees,  ni  affections  que  l'Evangile  n'examine.  Il  est  vray  qu'il  est  impossible  que  ceux  qui  sont  ainsi  navrez,  ne  gemissent,  et  qu'ils  n'ayent  quelque  regret  et  remors  :  mais  il  faut  que  nous  fermions  les  yeux  a  tout  cela  et  que  nous  ne  prenions  point  garde  a  ce  que  les  hommes  appetent  et  desirent,  mais  que  nous  passions  outre.  Et  au  reste,  ceste  admonition  n'est  pas  seulement  pour  les  ministres  de  ia  parole  de  Dieu,  mais  pour  tous  en  general.  Si  donc  nous  desirons  d'estre  Chrestiens,  apprenons  de  faire  cest  honneur  au  Fils  de  Dieu,  qu'encores  que  sa  parole  ne  nous  soit  point  amiable,  et  que  nous  n'y  prenions  point  goust  selon  nostre  sens  naturel,  que  toutesfois  nous  ne  laissions  pas  de  la  recevoir  en  toute  obeissance.  Et  ainsi  quand  chacun  viendra  au  sermon,  devant  toutes  choses  qu'il  face  son  conte  d'estre  redargue  comme  il  appartient  et  qu'il  cognoisse  que  c'est  son  profit  qu'on  ne  luy  gratifie  point:  que  s'il  a  les  aureilles  chatouilleuses,  qu'il  se  demette  de  cela,  scachant  qu'il  est  preoccupe  pour  ne  point  iamais  recevoir  la  doctrine  a  son  profit  et  a  son  instruction:  mais  que  nous  souffrions  tous  qu'on  nous  gratte  nos  rongnes,  et  qu'on  nous  condamne  et  qu'on  nous  face  tout  l'opposite  de  ce  que  nous  voudrons.