5:323  CATECHISMUS  SEU  CHRISTIANAE  RELIGIONIS  INSTITUTIO  ECCLESIAE  GENEVENSIS,  VULGARI  PRIUS  IDIOMATE  EDITA,  NUNCQUE  POSTREMO  LATINITATE  ETIAM  DONATA,  IOAN.  CALYINO  ATJTOHE.  OMNES  HOMINES  AD  RELIGIONEM  ESSE  NATOS.  Quum  nemo  hominum  reperiatur,  quamlibet  barbarus  sit,  ac  toto  pectore  efferatas,  qui  non  aliquo  afficiatur  religionis  sensu:  nos  in  hunc  finem  creatos  omnes  esse  constat,  ut  maiestatem  agnoscamus  creatoris  nostri,  agnitam  suspiciamus,  omnique  et  timore,  et  amore,  et  reverentia  colamus.  Verum  ut  impios  omittamus,  qui  illam  animis  suis  insitam  Dei  opinionem,  nil  aliud  quam  e  memoria  delere  quaerunt:  nobis,  qui  pietatem  profitemur,  cogitandum  est  fluxam  hanc  et  mox  collapsuram  vitam  nil  aliud  esse  debere,  quam  immortalitatis  meditationem.  Porro  aeternam  et  immortalem  vitam  nisi  in  Deo  nusquam  invenire  licet.  Haec  igitur  praecipua  vitae  nostrae  cura  et  sollicitudo  sit  oportet,  Deum  quaerere  et  ad  eum  omni  animi  studio  adspirare,  nec  alibi  nisi  in  ipso  acquiescere.  QUID  INTER  FALSAM  AC  VERAM  RELIGIONEM  INTERSIT.  Quoniam  hoc  communi  sensu  receptum  est,  si  a  [pag.  2]  vita  nostra  absit  religio,  miserrime  nos  vivere,  adeoque  brutis  pecudibus  nihilo  excellere,  nullus  est  qui  a  pietate  cultuque  Dei  prorsus  alienus  videri  velit.  Atqui  in  ipso  declarandae  religionis  modo  longum  est  discrimen,  nam  hominum  melior  pars  non  serio  Dei  timorp  tangitur:  sed  quia,  velint  nolint,  hac  cogitatione  subinde  recurrente  constringuntur,  divinitatem  esse  aliquam,  cuius  arbitrio  stent  vel  cadant:  tantae  potestatis  opinione  perculsi,  ne  ipsam  nimio  contemptu  in  se  provocent,  qualicunque  eius  veneratione  defunguntur.  Interim  tamen  vita  perditissime  instituta,  abiectoque  omnis