49:323  323  EPIST.  PAULI  AD  CORINTHIOS  I  324  Dominus  se  in  hypocrisin  populi  hoc  poenae  genere  vindicaturum  denuntiat,  quod  peribit  sapientia  a  sapientibus,  ete.  Applicatio  autem  ad  praesentem  causam  talis  est:  non  est  hoc  novum  aut  inusitatum,  quod  ita  praepostere  iudicant  homines,  qui  videntur  alioqui  prudentia  excellere.  Nam  ita  Dominus  eorum  arrogantiam  punire  solitus  est,  qui  proprio  ingenio  confisi  duces  sibi  et  aliis  esse  volunt.  Sic  olim  in  populo  Israelitico  dissipavit  sapientiam  eorum,  qui  duces  erant  populi.  Si  in  eo  populo  hoc  contigit,  cuius  sapientiam  debebant  admirari  reliquae  gentes:  quid  fiet  aliis?  Verba  tamen  prophetae  cum  Pauli  verbis  conferre,  et  rem  totam  pressius  adhuc  excutere  convenit.  Tametsi  verbis  neutris  utitur  propheta,  quum  dicit:  Peribit  sapientia,  et  prudentia  evanescet:  quae  Paulus  in  activa  convertit,  in  Dei  personam  transferendo:  in  sensu  tamen  optime  conveniunt.  Nam  hoc  est  miraculum  grande,  quod  se  editurum  testatur  Deus,  quo  attoniti  reddantur  omnes.  Perit  ergo  sapientia,  sed  Domino  destruente:  sapientia  evanescit,  sed  inducta  a  Domino  et  deleta.  Secundum  verbum  a-9-STeiv,  quod  Erasmus  vertit  reiicere,  quum  ambiguam  habeat  significationem,  et  aliquando  sumatur  pro  delere,  vel  expungere,  aut  obliterare:  in  hoc  sensu  accipere  hic  malo,  ut  respondeat  verbo  prophetae,  evanescere  aut  abscondi.  Quamquam  haec  mihi  validior  fuit  ratio,  quod  reiiciendi  verbum  rei  non  congruebat,  sicuti  mox  patebit.  Videamus  igitur  de  sensu.  Nihil  certe  aliud  vult  propheta  quam  nullos  amplius  fore  gubernatores,  qui  iustam  regendi  rationem  teneant  :  quia  Dominus  eos  privabit  sano  iudicio  et  intelligentia.  Quemadmodum  enim  alibi  universo  populo  excaecationem  minatur,  ita  hic  ducibus  :  quod  est  veluti  oculos  ex  corpore  eruere.  Quidquid  sit,  magna  difficultas  hinc  emergit,  quod  nomen  sapientiae  et  prudentiae  in  bonam  partem  accipitur  apud  Iesaiam  :  Paulus  autem  in  contrarium  finem  citat,  quasi  damnetur  a  Deo  sapientia  hominum,  quod  perversa  sit:  quod  reprobetur  prudentia,  quia  sit  mera  vanitas.  Fateor,  sic  quidem  vulgo  exponi:  sed  quum  certum  sit,  non  torqueri  per  apostolos  spiritus  sancti  oracula  in  alienos  sensus,  malo  a  communi  interpretum  opinione  discedere  quam  insimulare  Paulum  falsi.  Et  alioqui  genuinus  prophetae  sensus  Pauli  intentioni  non  male  quadrat.  Nam  si  Domino  rectum  spiritum  aufer  ente  desipiunt  etiam  sapientissimi:  quanta  fides  hominum  sapientiae  habebitur?  Deinde  quum  haec  sit  usitata  Dei  ultio,  percutere  caecitate  eos,  qui  proprio  sensui  addicti  sibi  nimis  sapiunt:  nihil  mirum  si  homines  carnales,  dum  insurgunt  adversus  Deum,  ut  suae  temeritati  aeternam  eius  veritatem  subiiciant,  stulti  fiunt,  et  evanescunt  in  suis  cogitationibus.  Nunc  videmus  quam  apposite  hoc  testimonio  utatur  Paulus,  Hanc  fore  Dei  vindictam  pronuntiat  Iesaias  in  eos