47:323  323  IN  EVANGELIUM  IOANNIS  324  Nam  in  eius  persona  iam  spe  coelum  possidemus,  ut  Paulus  docet  ad  Ephes.  1,  3:  non  tamen  fruemur  tanto  bono,  quousque  rursus  idem  in  coelo  appareat.  Non  ergo  hic  patrum  status  post  mortem  a  nostro  discernitur,  quia  utrisque  pariter  locum  paravit  Christus,  in  quem  extremo  die  omnes  recipiet.  Ante  reconciliationem  peractam  fideles  animae  velut  in  specula  erant  intentae  ad  redemptionem  puomissam,  et  nunc  beata  quiete  fruuntur  usque  dum  compleatur  redemptio.  3.  Et  si  abiero.  Conditionalis  particula*  resolvi  debet  in  adverbium  temporis:  ac  si  dictum  esset:  Postquam  abiero,  iterum  revertar  ad  vos.  Caeterum  reditus  hic  non  debet  de  spiritu  sancto  intelligi,  quasi  novam  sui  praesentiam  exhibuerit  Christus  discipulis  in  spiritu.  Est  quidem  illud  verum,  quod  nobiscum  et  in  nobis  Christus  per  spiritum  habitat,  sed  hic  de  extremo  iudicii  die  loquitur,  quo  tandem  veniet  ad  suos  colligendos.  Et  certe  quotidie  locum  nobis  parat,  si  totum  ecclesiae  corpus  respicimus.  Unde  sequitur  nostri  in  coelum  ingressus  nondum  maturum  adesse  diem.  4  Et  quo  ego  vado  scitis.  Quoniam  non  vulgari  fortitudine  opus  est,  ut  tamdiu  nostram  a  Christo  separationem  patienter  feramus,  additur  aftera  confirmatio,  quod  sciunt  discipuli  mortem  eius  non  esse  interitum,  sed  transitum  ad  patrem:  deinde  quod  viam  tenent  qua  sequantur,  ut  in  eiusdem  gloriae  societatem  perveniant.  Utrumque  membrum  sedulo  notandum  est,  ut  Christum  in  coelesti  gloria  et  beata  immortalitate  fidei  oculis  cernamus:  deinde  ut  sciamus  ipsum  esse  vitae  nostrae  primitias,  et  viam  quae  praeclusa  erat  nobis  ab  eo  patefactam  esse.  5.  Dicit  ei  Thomas.  Tametsi  prima  facie  videtur  cum  dicto  Christi  pugnare  Thomae  responsum,  non  tamen  illi  propositum  fuit  abrogare  magistro  fidem.  Quaeritur  tamen  quomodo  neget,  quod  asseruit  Christus.  Respondeo,  interdum  in  sanctis  confusas  esse  notitias,  quia  rei  certae  et  sibi  expositae  modum  et  rationem  non  tenent.  Sic  a  prophetis  praedicta  fuit  gentium  vocatio  ex  vero  fidei  sensu,  quam  tamen  Paulus  testatur  fuisse  arcanum  illis  absconditum.  Quum  ergo  crederent  apostoli  Christum  ad  patrem  migrare,  nescirent  tamen  quomodo  regnum  adepturus  esset,  merito  excipit  Thomas  ipsos  nescire  quo  vadat.  Inde  colligit  magis  obscuram  esse  viam  :  priusquam  enim  cursum  ingredimur,  sciendum  est  quo  tendamus.  6.  Ego  sum  via.  Quanquam  non  diserte  respondet  Christus  ad  rogatum,  nihil  tamen  omittit  quod  sit  utile  cognitu.  Fraenanda  erat  Thomae  curiositas:  ideo  Christus  non  disserit  qualis  futura  sit  sua  conditio  apud  patrem,  sed  in  re  magis  necessaria  insistit.  Libenter  audisset  Thomas  quid