41:323  323  PREMIER  SERMON  sur  le  Chap.  Y.  v.  1.L  Nous  avons  veu  parcy  devant  quand  les  hommes  s'adonnent  a  intemperance,  qu'il  n'y  ha  ne  fin  ne  mesure,  mais,  que  c'est  tousiours  a  recommancer,  voire  et  a  aller  de  mal  en  pis  :  L'exemple  nous,  est  icy  declare,  Car  quand  le  Roy  Balsazar  est  enivre  avec  ses  gens,  il  est  question  de  boire  mieux  que  iamais.  Or  maintenant  nous  avons  a  retenir  le  poinct  qui  a  este  aussi  bien  touche,  c'est  a  scavoir  quand  le  vin  domine,  qu'il  n'y  ha  plus  raison  ny  modestie  aux  hommes,  Mais  que  les  hommes  se  font  des  cornes  pour  s'eslever,  voire  iusques  a.  faire  la  guerre  a  Dieu:  Yoicy  Balsazar  qui  ne  se  contante  point  d'estre  excessif,  et  puis  d'user  d'orgueil  et  d'arrogance  contre  tout  le  monde,  mais  il  s'adresse  a  Dieu  ouvertement,  II  le  despite,  et  veut  monstrer  qu'il  ne  tient  comte  de  luy.  Aussi  nous  verrons  tantost,  quel  payement  il  aura  pour  un  tel  mespris  et  rebellion:  Ainsi  donc  connoissons  que  Dieu  se  vengera  de  nous,  quand  nous  aurons  abuse  de  ses  creatures  par  exces,  qu'il  nous  ostera  sens  et  raison,  pour  nous  faire  abandonner  a  des  choses  les  plus  villaines  et  enormes,  qu'on  scauroit  dire,  Et  toutesfois,  il  y  en  aura  beaucoup,  qui  voudront  excuser,  ce  qu'ils  auront  fait  par  ivrongnerie,  Et  qu'y  feries  vous?  Le  pauvre  homme  ne  l'ha  point  fait,  mais  c'est  le  vin.  Voire,  mais  l'ivrongnerie  est  une  chose  plus  que  detestable,  que  l'homme  efface  l'Image  de  Dieu,  qu'il  se  rende  semblable  a  un  pourceau,  Ie  vous  prie  cela  doit  il  estre  tollere?  Quant  il  n'y  auroit  autre  mal,  l'ivrongnerie  en  soy,  merite  bien  une  griefve  punition  :  Mais  elle  amenera  avec  soy,  les  batures,  les  meurtres,  pour  le  moins  il  y  aura  des  outrages,  des  iniures,  voire  et  des  blasphemes  a  l'encontre  de  Dieu.  Puis  les  paillardises  et  dissolutions  s'ensuivront,  que  ceux  qui  seront  ainsi  addonnes  a  ivrongnerie  ne  feront  autre  chose  que  se  ruiner.  Ainsi  donc,  notons  bien,  puis  que  Dieu  se  venge  de  ceux  qui  se  desbordent  abusant  de  ses  creatures,  qu'il  ne  faut  point  que  nous