25:323  323  REDITUS  AD  HISTORIAM.  324  rior  sensus  magis  probatur,  ut  propitius  in  posterum  quoque  esset  Deus  populo  suo,  memoriale  illud  in  eius  oculis  fuisse  locatum.  NUMER.  CAP.  XXXII.  1.  Peculium  vero  multum  erat  filiis  Buben,  et  filiis  Gad  multum  admodum:  qui  viderunt  terram  Iaazer  et  terram  Galaad,  et  ecce,  locus  ille  erat  locus  peculii.  2.  Venerunt  igitur  filii  Gad  et  filii  Buben,  et  dixerunt  ad  Mosen  et  Eleazar  sacerdotem,  et  ad  principes  congregationis,  dicendo:  3.  Ataroth,  et  Dibon  et  Iaazer,  et  Nimrah  et  Hesbon,  et  Elalech,  et  Sebam,  et  Nebo,  et  Behon:  4.  Terra  quam  percussit  Iehova  ante  congregationem  Israel,  terra  peculii  est,  et  servis  tuis  est  peculium.  5.  Dixerunt,  inquam,  si  invenimus  gratiam  in  oculis  tuis,  detur  terra  haec  servis  tuis  in  possessionem:  ne  transire  nos  facias  Iordanem.  6.  Bespondit  autem  Moses  filiis  Gad  et  Buben:  Num  fratres  vestri  ingredientur  pugnam,  et  vos  manebitis  hic?  7.  Et  quare  frangetis  cor  filiorum  Israel,  ne  transeant  ad  terram  quam  dedit  eis  Iehova?  8.  Sic  fecerunt  patres  vestri  quando  misi  eos  de  Cades-Barnea  ut  viderent  terram  istam.  9.  Ascenderunt  namque  usque  ad  vallem  Eschol,  videruntque  terram,  postea  fregerunt  cor  filiorum  Israel,  ne  ingrederentur  terram  quam  dederat  eis  Iehova.  10.  Unde  irata  excandescentia  Iehovae  in  die  illa,  iuravit,  dicendo:  l  l  .  Si  videbunt  homines  qui  ascenderunt  ex  Aegypto,  a  filio  viginti  annorum  et  supra,  terram  de  qua  iuravi  Abraham,  Isaac  et  Iacob:  quia  non  compleverunt  ire  post  me:  12.  Praeter  Caleb  filium  Iephune  Cenezaeum,  et  Iosue  filium  Nun,  quia  compleverunt  ire  post  Iehovam.  13.  Et  irata  est  excandescentia  Iehovae  in  Israelem,  vagarique  fecit  eos  in  deserto  quadraginta  annis,  donec  consumeretur  tota  illa  generatio  quae  fecerat  malum  in  oculis  Iehovae.  14.  Ecce  autem  surrexistis  pro  patribus  vestris,  accessio  hominum  sceleratorum,  ut  adderetis  adhuc  ad  iram  excandescentiae  Iehovae  contra  Israelem.  15.  Si  aversi  fueritis  ut  non  eatis  post  eum,  tum  addet  adhuc  deserere  illum  ipsum  in  deserto,  et  perdetis  universum  populum  hunc.  1.  Peculium  vero.  In  hac  historia  non  secus  atque  in  speculo  perspicimus,  dum  quisque  ad  privatum  commodum  nimis  attentus  est,  oblivisci  quid  rectum  atque  aequum  sit.  Non  reputant  quidem  qui  sua  quaerunt,  se  aliis  esse  iniurios:  sed  fieri  non  potest  quin  plus  appetant  quam  par  sit,  seque  aliis  praeferunt,  quod  pugnat  cum  regula  caritatis,  ne  quaeramus  quae  nostra  sunt.  Vident  filii  Gad,  et  filii  Ruben  quibus  erat  magna  pecorum  copia,  fertilem  agrum  et  opimum:  utilitas  eos  rapit,  ut  in  mentem  non  veniat  se  fratribus  esse  obstrictos,  ne