55:322  membra  erant,  quod  diabolus  postea  adversus  Christum  erexit.  Proprie  loquendo,  nondum  Antichristus  exstabat:  sed  arcanum  suae  impietatis  clam  moliebatur.  Verum  Iohannes  utitur  hoc  nomine,  ut  piorum  studium  et  sollicitudinem  ad  repellendas  fraudes  magis  acuat.  Quod  si  iam  tunc  in  excubiis  stare  fideles  iubebat  Dei  spiritus,  quum  signa  duntaxat  venturi  hostis  procul  cernerent:  multo  minus  nunc  dormiendi  tempus  est  quando  ecclesiam  saeva  tyrannide  oppressam  tenet,  ao  palam  Christo  insultat.  19.  Ex  nobis  egressi  sunt  Alteram  obiectionem  praevertit,  quod  pestes  illas  videbatur  genuisse  ecclesia,  et  in  sinu  suo  ad  tempus  fovisse.  Nam  certe  hoc  ad  turbandos  infirmos  plus  valet,  si  unus  quispiam  nobiscum  veram  fidem  professus,  deficiat,  quam  si  mille  extranei  in  nos  conspirent.  Sic  ergo  fatetur  eos  prodiisse  ex  ecclesiae  gremio,  ut  tamen  neget  fuisse  unquam  ex  ecclesia.  Porro  diducendae  obiectionis  ratio  est,  quod  semper  huic  malo  obnoxia  sit  ecclesia,  ut  multos  ferre  cogatur  hypocritas,  qui  vere  Christum  non  habent,  utcunque  eius  nomen  ore  profiteantur  ad  tempus.  Quum  dicit,  egressos  esse  a  nobis,  significat  locum  in  ecclesia  prius  occupasse,  et  habitos  esse  in  piorum  numero.  Negat  tamen  fuisse  ex  nobis,  qui  falso  nomen  obtenderint  fidelium:  sicuti  paleae,  licet  tritico  in  eadem  area  permistae  sint1),  non  tamen  in  tritico  censentur.  Si  fuissent  ex  nobis.  Aperte  pronuntiat,  nunquam  fuisse  ecclesiae  membra  qui  deficiunt.  At  certe  sigillum  Dei,  sub  quo  suos  custodit,  firmum  manet:  ut  inquit  Paulus  (2.  Tim.  2,  19).  Sed  hic  oritur  difficultas.  Multos  enim,  qui  videbantur  Christum  amplexi,  saepe  excidere  contingit.  Respondeo,  tres  eorum  esse  gradus  qui  evangelium  profitentur.  Sunt  enim  qui  pietatem  simulant,  quum  tamen  mala  conscienta  intus  eos  arguat.  Aliorum  magis  fraudulenta  hypocrisis:  qui  non  modo  fucum  hominibus  facere  tentant,  sed  oculos  sibi  perstringunt,  ut  sibi  videantur  recte  Deum  colere.  Tertii  vivam  habent  fidei  radicem,  ac  suae  adoptionis  testimonium  penitus  fixum  cordibus  gerunt.  Priores  duo  ordines  nihil  stabilitatis  habent:  de  postremis  loquitur  Iohannes,  quum  impossibile  esse  dicit  ab  ecclesia  alienari.  Neque  enim  sigillum,  quod  Deus  spiritu  suo  insculpsit  eorum  conscientiis,  deleri  potest.  Semen  incorruptibile,  quod  radicem  egit,  non  potest  evelli,  nec  aboleri.  Neque  enim  hic  de  hominum,  sed  Dei  constantia  agitur,  cuius  electionem  ratam  esse  oportet.  Quare  non  immerito  dicit,  ubi  efficax  est  Dei  vocatio,  illic  certam  perseverantiam  fore.  In  summa  nunquam  penitus  imbutos  fuisse  Christi  notitia  intelligit,  qui  deficiunt:  sed  levem  duntaxat  et  evanidum  habuisse  gustum.  *)  sunt  21