54:322  grand  besoin.  Car  le  monde  n'esfc-il  point  venu  au  comble  d'iniquite?  On  voit  que  la  plus  part  reiette  furieusement  l'Evangile.  Les  autres  qui  font  semblant  de  Paccepter,  en  quelle  obeissance  la  recoy  vent-ils?  Il  y  a  un  tel  mespris  et  un  tel  orgueil,  que  si  tost  qu'on  reprendra  les  vices,  ou  qu'on  sera  trop  aigre  a  l'appetit  de  ceux  qui  voudroyent  avoir  toute  licence  de  mal  faire,  et  ne  taschent  qu'a  tout  ruiner,  c'est  a  se  despiter.  Combien  que  les  Papistes  souffriront  de  leurs  caphars  qu'ils  crient  et  qu'ils  tempestent  a  l'encontre  d'eux,  et  neantmoins  ne  font  que  les  abbruver  de  mensonges  a  leur  perdition,  ceux  qui  diront  a  pleine  bouche  qu'ils  veulent  la  reformation  de  l'Evangile,  ne  peuvent  porter  que  on  les  corrige  quand  ils  auront  failli,  mais  grincent  les  dents  a  l'encontre  de  Dieu,  et  accomplissent  ce  que  dit  sainct  Paul  aux  Corinthiens,  que  s'il  y  avoit  des  trompeurs  qui  les  veinssent  abuser,  ils  endureront  toute  tyrannie,  qu'on  les  pourroit  souffleter,  qu'ils  se  tiendroyent  quois:  mais  si  on  les  enseigne  purement  au  nom  de  Dieu,  et  pour  leur  salut,  ils  sont  si  delicats  qu'un  seul  mot  les  fera  entrer  incontinent  en  rebellion:  et  si  on  continue  a  faire  aucunement  son  devoir,  la  guerre  sera  incontinent  declaree.  Et  pleust  a  Dieu  que  les  choses  ne  fussent  point  si  patentes  qu'on  les  voit.  Or  puis  qu'ainsi  est,  que  reste-il,  sinon  que  suyvant  l'admonition  de  sainct  Paul  nous  soyons  sur  nos  gardes?  Et  d'autant  qu'il  nous  faut  souffrir,  et  des  murmures,  et  des  contentions,  et  que  les  meschans  auront  la  vogue,  qu'il  faut  ou  qu'ils  nous  crachent  au  visage,  ou  qu'obliquement  ils  nous  tourmentent,  que  nous  soyons  comme  endurcis  en  patience,  et  que  rien  ne  nous  destourne,  que  nous  poursuyvons  tousiours  le  chemin  auquel  le  Seigneur  nous  a  appelez.  Voila  donc  le  moyen  de  persister  quand  les  choses  seront  toutes  confuses:  c'est  que  le  mal  nous  contriste:  mais  cependant  qu'il  ne  nous  faut  point  perdre  courage.  Sainct  Paul  adiouste,  que  Timothee  face  ouvrage  d'Evangeliste,  et  qu'il  accomplisse,  ou  qu'il  ratifie  et  approuve  pleinement  son  ministere.  Yci  sainct  Paul  pour  inciter  Timothee,  luy  monstre  a  quoy  il  est  appele:  c'est  que  Dieu  luy  a  fait  une  grace  excellente,  de  le  constituer  en  tel  degre  d'honneur  en  son  Eglise  :  car  nous  scavons  (selon  qu'il  est  contenu  au  quatrieme  des  Ephesiens)  que  les  Evangelistes  ont  este  prochains  des  Apostres,  ils  sont  nommez  devant  les  Pasteurs  et  Docteurs.  Car  pource  que  ce  nombre  de  douze  ne  suffisoit  point  pour  porter  l'Evangile  par  tout  le  monde,  Dieu  avoit  ordonne  des  aides.  Or  Timothee  estoit  en  ce  degre:  car  nous  avons  veu  par  ci  devant,  que  sainct  Paul  l'avoit  21