51:322  pour  nous  enquerir  de  ce  qui  surmonte  nostre  capacite,  regardons  un  peu  combien  nostre  sens  est  debile  et  rude:  et  si  nous  avons  nos  esprits  si  grossiers  et  si  pesans,  que  sera-ce  quand  nous  voudrons  surmonter  et  le  ciel  et  la  terre?  Pourronsnous  enclorre  tout  cela  en  une  mesure  si  petite?  Nous  voyons  toutesfois  comme  les  hommes  se  donnent  une  licence  desbordee  de  s'enquerir  de  ceci  et  de  cela,  et  d'amener  des  questions  pour  plaider  et  disputer  a  l'encontre  de  Dieu.  Pour  ceste  cause  sainct  Paul  nous  monstre  ici  qu'il  nous  faut  avoir  sobriete  pour  estre  bien  sages:  c'est  que  nous  cognoissions  que  c'est  de  Dieu  et  de  nostre  Seigneur  Iesus  Christ:  comme  il  monstrera  puis  apres,  que  quand  nous  serons  la  venus,  il  y  a  bien  qui  nous  doit  suffire  :  et  si  nous  presumons  d'aller  plus  outre,  que  ce  sera  nous  precipiter  a  nostre  escient.  Sainct  Paul  donc  monstrera  encores  cela  plus  au  long:  mais  il  nous  doit  suffire  que  tant  en  ce  passage  qu'en  toute  l'Escriture  saincte,  nous  devons  apprendre  quel  est  Dieu,  auquel  nous  devons  servir,  quelle  est  sa  volonte,  comment  c'est  que  nous  pourrons  avoir  nostre  fiance  en  luy,  quel  acces  nous  pourrons  avoir  pour  le  prier,  et  avoir  la  tout  nostre  refuge.  Voila  donc  a  quoy  il  nous  faut  employer.  Or  cela  ne  se  peut  faire,  que  nous  n'ayons  en  Iesus  Christ  (auquel  Dieu  s'est  manifeste)  tout  ce  qui  nous  est  besoin  et  utile  pour  nostre  salut.  Car  c'est  une  chose  trop  haute  que  la  maieste  divine  en  soy,  et  nous  serions  cent  fois  esperdus  devant  qu'en  approcher,  sinon  d'autant  qu'il  est  descendu  a  nous:  mais  quand  nous  avons  Iesus  Christ,  la  nous  avons  une  image  vive,  en  laquelle  nous  pouvons  contempler  ce  qui  nous  est  utile  pour  nostre  salut.  Car  la  nous  cognoissons  comme  Dieu  est  nostre  Pere,  comment  nous  sommes  purgez  de  tous  nos  vices,  pour  estre  transfigurez  en  la  gloire  de  Dieu.  La  nous  voyons  comme  Dieu  nous  repute  pour  iustes,  et  comme  nous  sommes  reconciliez  avec  luy  :  la  nous  cognoissons  comme  il  nous  a  rachetez,  et  comment  nous  ne  serons  iamais  destituez  de  la  grace  de  son  S.  Esprit,  iusques  a  ce  qu'il  nous  ait  amenez  a  la  iouissance  de  nostre  heritage.  Nous  cognoissons  donc  tout  cela  en  nostre  Seigneur  Iesus  Christ.  Et  voila  pourquoy  aussi  sainct  Paul  en  l'autre  lieu  dit  qu'il  n'a  point  voulu  scavoir  autre  chose,  sinon  Iesus  Christ,  et  que  c'est  en  luy  seul  qu'il  s'est  voulu  glorifier.  Comme  nous  avons  veu  par  ci  devant  qu'il  renoncoit  a  toutes  choses  pour  demeurer  sous  la  croix  de  nostre  Seigneur  Iesus  Christ,  combien  que  selon  le  monde  il  n'y  ait  qu'opprobres  et  infamies,  si  est-ce  qu'il  proteste  qu'il  a  reiette  tout  ce  qu'il  avoit  prise  auparavant,  qu'il  l'a  estime  comme  perte  et  dommage,  mesmes  il  Ta  repute  comme  fiente  et  ordure,  a  fin  d'adherer  a  nostre  Seigneur  Iesus  Christ,  a  fin  de  monstrer  21