5:322  tem  nostram  subiret  haec  cogitatio,  periculum  esse,  ne  in  Christum  impingamus,  quoties  ad  suscipiendum  cum  iis  certamen  titillamur,  in  quibus  vel  scintilla  una  pietatis  emicat:  quot  pullulantia  contentionum  semina  suffocaret,  quot  effer  vescentes  iras  exstingueret,  quot  exorientes  rixas  opprimeret?  Verum  et  nos  ipsi,  altera  ex  parte,  servi  Dei  sumus.  Tanto  igitur  magis  curandum  est  ut  Domini  nostri  insignia  et  ornamenta,  ubicunque  apparent,  revereamur  et  colamus.  Ita  pro  se  quemque  iure  suo  ultro  cedere,  et  multum  remittere  par  est:  nisi  digladiando  volumus  Dei  dona  concerpi  et  lacerari:  quibus  suus  honor  haberi  nequit,  quin  simul  detur  venia  vitiis,  quibuscum  permixta  sunt.  Eatenus  autem  quum  procedere  aequitas  nostra  et  moderatio  debeat,  quam  graviter  delinquimus,  dum  ob  incertas,  atque  eas  interdum  nihili,  suspiciunculas  dissilimus  ab  iis,  quorum  habemus  pietatem,  sinceritatem,  probitatem  luculentis  documentis  compertam?  Duplex  autem  animadvertimus  suspicionum  genus,  unde  plurimum  malorum  et  olim  accepit  et  hodie  accipit  ecclesia.  Aut  dum  sinistrorsum,  quae  geruntur  a  fratribus  symmystisque  nostris,  interpretamur:  quae  si  dextros  benignosque  arbitros  nacta  sint,  in  optimam  partem  accipi,  vel  certe  quoque  modo  excusari  possint.  Aut  dum  ad  hauriendos  imbibendosque  rumores  quoslibet  nimium  proni  inclinamus.  Quae  autem  inde  consequantur  mala,  cogitare  malimus  quam  experiri.  Atque  ideo  cogitemus,  quo  praecavendis  omnem  impendamus  operam.  Proinde,  quod  incredibili  bono  futurum  nobis  est,  mutua  potius  benevolentia  caritateque  certemus,  praesidio  alii  aliis  esse  contendamus,  alii  alios  ad  officium  et  exemplo  et  adhortatione  provocemus.  His  certaminum  et  contentionum  formis  non  fatigatur,  non  vexatur,  non  affligitur  ecclesia:  sed  vigescit  potius,  florescit,  novisque  incrementis  confirmatur.  Si  coniunctionis  pacisque  studium  est,  doctrinae  potius  animorumque  urgeamus  unitatem,  quam  caeremoniis  ad  unguem  conformandis  morosius  insistamus.  Indignissimum  est  enim,  ut  in  quibus  libertatem  Dominus  reliquit,  quo  maior  esset  aedificandi  facultas,  servilem  praeterita  aedificatione  conformitatem  quaeramus.  Atqui  ubi  ad  summum  illud  tribunal  ventum  fuerit,  ubi  reddenda  erit  olim  functionis  nostrae  ratio,  minima  erit  de  caeremoniis  quaestio  :  neque  omnino  haec  in  rebus  externis  conformitas,  sed  legitimus  libertatis  usus  ad  calculum  vocabitur:  legitimus  demum  censebitur,  qui  ad  aedificationem  plurimum  contulerit.  Tota  ergo  sollicitudo,  vigilantia,  industria,  sedulitas  nostra  in  hanc  aedificationem  incumbat  :  quam  tantum  succedere  sciamus,  quantum  in  serio  Dei  timore,  sincera  pietate,  morumque  non  ficta  sanctitate  profectum  fuerit.  FINIS.  Calvim  opera  Vol.  V,  21