47:322  ubi  quiescat.  Est  enim  verus  Immanuel,  qui  simul  ac  fide  quaeritur  intus  nobis  respondet.  Est  unum  hoc  ex  praecipuis  fidei  nostrae  capitibus,  debere  fidem  nostram,  ne  vagetur  per  longos  circuitus,  ad  Christum  unum  dirigi,  ne  in  tentationibus  vacillet  sistendam  in  eo  esse.  Atque  haec  vera  est  fidei  probatio,  ubi  nunquam  a  Christo  et  promissionibus  in  ip��o  datis  patimur  nos  divelli.  Theologi  papales  quum  de  obiecto  fidei  disputant  vel  garriunt  potius,  nudam  solum  faciunt  Dei  mentionem  :  Christi  nulla  ratio.  Qui  ex  eorum  commentis  sapiunt,  necesse  est  ut  ad  tenuem  quemlibet  levis  aurae  flatum  vacillent.  Pudet  superbos  homines  humilitatis  Christi:  ideo  ad  incomprehensibile  Dei  numen  evolant.  Atqui  nunquam  in  coelum  perveniet  fides,  nisi  quae  Christo,  qui  humilis  in  speciem  Deus  apparet,  se  submittat  neque  unquam  stabilis  erit,  nisi  fulturam  quaerat  in  Christi  infirmitate.  2.  In  domo  patris  mei.  Quoniam  absentia  Christi  moeroris  causa  erat,  se  non  ideo  abire  testatur  ut  ab  illis  separatus  maneat,  quoniam  ipsis  quoque  in  regno  coelesti  sit  locus.  Haec  enim  eximenda  .suspicio  fuit,  Christum  ad  patrem  adscendere,  ut  suos  in  terra  neglectos  relinqueret.  Perperam  tractus  fuit  hic  locus  in  alium  sensum,  quasi  doceret  Christus  distinctos  esse  honoris  gradus  in  regjjo  coelesti.  Multas  enim  mansiones  dicit,  non  varias  aut  dispares,  sed  quae  pluribus  sufficiant:  ac  si  diceret,  non  sibi  uni,  sed  omnibus  etiam  discipulis  locum  illic  esse.  Quod  si  non,  dixissem  vobis.  Hic  variant  interpretes.  Nam  uno  contextu  ita  legunt  quidam:  Si  non  essent  vobis  iam  paratae  mansiones,  dixissem  me  praeire  ad  eas  parandas.  Ego  autem  aliorum  sententiae  potius  accedo  qui  sic  distinguunt:  Si  me  unum  maneret  coelestis  gloria,  nollem  vos  frustrari:  dixissem  ergo  vobis,  nemini  praeterquam  mihi  locum  esse  apud  patrem.  Sed  res  aliter  habet:  ego  enim  praecedo,  ut  parem  vobis  locum.  Ut  ita  legamus  contextus  meo  iudicio  exigit:  sequitur  enim  continuo  post:  Si  abiero  ut  parem  vobis  locum.  Quibus  verbis  significat  Christus  hunc  sui  discessus  finem  esse,  ut  locum  suis  paret.  Summa  est,  quod  non  privatim  sibi  coelum  conscenderit  Dei  filius,  ut  illic  seorsum  habitet,  sed  potius  ut  communis  sit  piorum  omnium  haereditas,  atque  ita  coniunctum  sit  membris  caput.  Exoritur  tamen  quaestio,  qualis  fuerit  patrum  conditio  post  mortem,  antequam  Christus  in  coelum  adscenderet.  Vulgo  enim  colligunt,  fideles  animas  in  limbo  fuisse  inclusas,  quia  dicat  Christus  suo  in  coelum  adscensu  paratum  iri  locum.  Sed  responsio  facilis  est,  quod  locus  hic  parari  dicatur  in  diem  resurrectionis.  Natura  enim  exaulat  humanum  genus  a  regno  Dei:  filius  autem  qui  unicus  est  haeres  coeli  possessionem  nostro  nomine  adiit,  ut  per  ipsum  nobis  accessus  pateat.  21