25:322  fuerant  quisque  sibi).  54.  Accepit  inquam  Moses  et  Eleazar  sacerdos  aurum  a  tribunis  et  centurionibus^  et  intulit  illud  in  tabernaculum  conventionis,  in  memoriam  filiis  Israel  coram  Iehova.  48.  Accesserunt^  duces.  Hic  proponitur  exemplum  eximiae  gratitudinis,  quod  duces  exercitus  quum  viderent  neminem  ex  suis  periisse,  manubias  auri  et  argenti  Deo  consecrarunt.  Oblatis  primitiis,  satis  testati  fuerant  suam  pietatem  et  obedientiam:  nec  sane  ex  quo  fideliter  paruerant  Dei  mandato,  quidquam  ab  ipsis  desiderari  amplius  poterat:  quo  plus  laudis  meretur  eorum  liberalitas,  dum  novo  et  extraordinario  voto  se  obstringunt.  Interea  singulare  Dei  beneficium  commendat  Moses,  qui  omnes  ad  unum  incolumes  reduxit  ex  tanta  strage.  Certe  quum  ex  multis  pagis  abigenda  essent  spolia,  mirum  fuit  in  ipsa  discursatione  non  paucos  saltem  fuisse  occisos.  Hinc  ergo  planius  innotuit,  bellum  Dei  auspiciis  tam  feliciter  fuisse  gestum,  qui  duodecim  millia  protexerit.  Ita  incredibilis  Dei  favor  erga  populum  suum  cum  pia  ducum  professione  celebratur,  quum  diserte*  exprimitur,  se  recognitis  copiis  omnes  salvos  reperisse,  no  dubia  vel  obscura  sit  Dei  gratia.  Itaque  salutem  militum  admirabili  Dei  potentiae  acceptam  ferentes,  pretium  redemptionis  offerunt,  quidquid  ex  spoliis  acceperant  auri  et  argenti.  Summam  commemorat  Moses,  unde  melius  liqueat  eos  in  officio  praestando  non  vulgare  lucrum  sprevisse.  Nam  summa  haec  excedit  decem  millia  librarum  gallicae  monetae,  et  quingentas  libras.  Quid  autem  milites?  dum  pro  eorum  salute  vota  solvuntur,  suae  rapacitati  secure  indulgent.  Subest  enim  tacita  comparatio,  dum  centuriones  et  tribunos  laudans  Moses,  exceptionem  mox  addit,  cuiusque  fuisse  quod  praedatus  erat:  ac  mirum  est,  quasi  tantum  sibi  adeoque  soli  vicissent  milites,  tam  laudabile  exemplum,  ut  maligni  erant  ac  sordidi,  non  fuisse  imitatos.  Et  certe,  saepe  contingit  vulgus  sordes  suas  sine  pudore  sectari,  tum  quia  ignorat  quid  sit  ingenuitas,  tum  quia  dedecus  in  turba  latet.  Interea  admonentur  qui  praesunt,  dandam  esse  operam,  ut  in  quo  altiore  honoris  gradu  locati  sunt,  eo  magis  emineat  eorum  virtus.  51.  Accepit  Moses.  Hoc  addendum  fuit,  ne  quis  putaret  Eleazar  ex  aliorum  liberalitate  quaestum  fecisse.  Narrat  ergo  Moses  quidquid  auri  fuerat  oblatum,  fideliter  repositum  fuisse  in  ornamentum  sanctuarii.  Quod  dicitur:  In  memoriam  filiis  Israel,  tam  active  quam  passive  sumi  potest:  nempe  ut  esset  donarium  illud  monumentum  gratitudinis,  vel  ut  favorem  conciliaret  populo  in  oculis  Dei:  ac  si  illud  expiationis  munus  coram  Deo  sisteret  ac  repraesentaret  eos  omnes  qui  hoc  modo  profitebantur  se  eius  gratia  esse  salvos.  Mihi  poste-  21