1:322  ad  quem  qui  manum  porrexerit  vivet;  lignum  scientiae  boni  et  mali,  voluntatis  arbitrium,  de  quo  qui  relicta  gratia  Dei  gustaverit  morietur?  Quid  illud  Chrysostomi:  1)  quod  omnis  homo  non  modo  naturaliter  peccator,  sed  totus  peccatum  est?  Si  nihil  boni  nostrum  est,  si  homo  a  vertice  ad  calcem  totus  est  peccatum;  si  ne  tentare  quidem  licet,  quantum  valeat  arbitrii  facultas:  qui  iam  inter  Deum  et  hominem  laudem  boni  operis  partiri  liceat?  Possem  eiusdem  formae  permulta  ex  aliis  referre;  sed  ne  quis  cavilletur,  me  seligere  sola  ea  quae  causae  meae  serviunt,  quae  autem  adversantur  callide  praeterire,  ab  hac  recitatione  abstineo.  Audeo  tamen  hoc  affirmare:  utcunque  nimii  interdum  sint  in  libero  arbitrio  extollendo,  hunc  tamen  illis  propositum  fuisse  scopum,  ut  hominem,  a  virtutis  suae  fiducia  penitus  aversum,  in  Deo  uno  fortitudinem  suam  repositam  habere  doceant.  Nunc  ad  simplicem  veritatis  explicationem,  in  consideranda  hominis  natura  veniamus.  29.  Quod  initio  huius  capitis  praefatus  sum  cogor  rursum  hic  repetere:  ut  quisque  maxime  suae  calamitatis,  inopiae,  nuditatis,  ignominiae  conscientia  deiectus  est  et  consternatus,  ita  optime  in  sui  cognitione  profecisse.  Non  enim  periculum  est,  ne  sibi  nimium  adimat  homo,  dummodo  recuperandum  in  Deo  discat  quod  sibi  deest.  At  sibi  ne  tantillum  quidem  sumere  ultra  ius  suum  potest,  quin  et  inani  confidentia  se  perdat,  et  divinum  honorem  ad  se  traducendo  immanis  sacrilegii  reus  fiat.  Et  sane  quoties  haec  libido  mentem  nostram  incessit,  ut  aliquid  nostrum  habere  expetamus,  quod  in  nobis  scilicet  potius  quam  in  Deo  resideat,  cogitationem  hanc  non  ab  alio  consiliario  sciamus  nobis  suggeri,  quam  qui  primos  parentes  induxit,  ut  diis  esse  similes  vellent,  scientes  bonum  et  malum.  Si  verbum  diabolicum  est  quod  hominem  in  se  ipso  erigit,  illi  ne  locum  demus,  nisi  ab  hoste  consilium  capere  libet.  Dulce  quidem  est  tantum  habere  propriae  virtutis,  ut  in  te  ipso  acquiescas.  Sed  ne  ad  inanem  istam  fiduciam  illectemur,  detineant  2)  nos  tot  graves  sententiae,  quibus  severe  prosternimur;  quales  sunt:  maledictum  esse,  qui  confidit  in  homine  et  ponit  carnem  brachium  suum  (Ier.  17,  5).  Item:  non  delectari  Deum  robore  equi,  tibias  viri  non  illi  placere;  sed  affici  erga  timentes  se,  suspicientes  bonitatem  suam  (Psal.  147,  10).  Item:  ipsum  esse  qui  dat  lasso  vires,  et  virtute  defecto  robur  auget;  qui  facit  ut  fatigentur  et  laborent  adolescentes,  iuvenes  impingant;  qui  autem  in  ipso  3)  uno  sperant,  roborentur  (Ies.  40,  29).  Quae  omnes  eo  spectant,  ut  ne  quantulacunque  fortitudinis  nostrae  opinione  nitamur,  si  Deum  volumus  habere  propitium,  qui  su-  1)  Homil.  1.  in  Advent.  2)  deterreant  1553.  3)  in  ipso  1553  sola.  Caeterae  omnes  in  se.  Quod  ut  ambiguum  mutatum  est.  21