8:321  321  PRAEDESTINATIONE.  322  sibi  dati  sunt  a  patre  (Ioann.  17,  2).  Fidum  se  custodem  omnium  fuisse  testatur,  ut  nemo  perierit,  nisi  filius  perditionis  (Ioann.  17,  12).  Alibi  etiam  in  sua  manu  electos  esse  docet,  e  qua  nemo  eos  rapere  poterit  (Ioann.  10,  28):  quia  Deus  toto  mundo  sit  potentior.  Si  omnibus  electis  certa  est  vita  aeterna,  si  excidere  nemo  potest,  si  nulla  violentia,  nullove  impetu  quisquam  rapitur,  si  invicta  Dei  potentia  nititur  eorum  salus:  qua  fronte  Pighius  fixam  istam  certitudinem  concutere  audet?  Quamvis  non  eiiciat  Christus,  inquit,  multi  tamen  discedunt  :  et  qui  filii  Dei  fuerunt  ad  tempus,  non  permanent.  Malus  et  perversus  est  interpres  Pighius,  qui  non  agnoscit  Christi  manu  retineri,  quidquid  illi  a  patre  datum  est,  ut  salvum  in  finem  usque  maneat:  nam  quotquot  defluunt,  eos  Ioannes  ex  grege  esse  negat.  Qui  exierunt  a  nobis,  non  erant  ex  nobis:  nam  si  fuissent  ex  nobis,  utique  mansuri  erant  nobiscum:  sed  ut  manifesti  fierent,  quod  non  sint  omnes  ex  nobis  (1  Ioann.  2,  19).  Ergo  frustra,l)  inquit,  apponitur  conditio  :  [pag.  128]  ut  qui  salvus  esse  cupit,  in  finem  usque  perseveret.  Hic  vero  eum  praevaricari  dicas:  nam  quum  probandum  susceperit,  non  stare  cum  electione  salutis  fiduciam  :  eo  nos  ratiocinando  deducit,  ut  hanc  necessario  in  illa  fundatam  esse  oporteat.  Video  me  assidue  fluctuari:  nullum  momentum  praeterit,  quo  non  obruendus  videar.  At,  quia  electos  suos  Deus  sustinet,  ne  unquam  mergantur,  staturum  me  inter  innumeras  procellas  certo  confido.2)  Unde  me  electum  esse  cognoscam,  si  Pighius  rogat:  Christus  mihi  pro  mille  testimoniis  sufficit:  nam  ubi  nos  in  corpore  eius  reperimus,  in  secura  tranquillaque  statione  salus  nostra,  tanquam  locata  iam  in  coelis,  quiescit.  Si  excipit,  non  posse  ex  praesenti  gratia  aeternam  Dei  electionem3)  aestimari:  non  obiiciam  contra,  quem  fideles  experientiae  sensum  habent:  quia  panem  quo  pascuntur  filii  Dei,  extraneis  gustare  datum  non  est.  Sed4)  quod  garrire  audet,  nusquam  id  in  scriptura  haberi,  hoc  vero  quam  crassum  sit  mendacium,  probatu  non  est  difficile.  Postquam  enim  docuit  Paulus,  qui  electi  fuerant,  vocari  et  iustificari,  donec  ad  beatam  immortalitatem  perveniant,  quasi  undique  firmo  prae-  1)  Noz  adversaires  arguent:  Si  ainsi  est  que  les  eleuz  no  peuvent  defaillir,  que  ceste  doctrine  est  donc  superflue:  qui  persistera  iusques  a  la  fin,  sera  sauve.  Mais  c'est  tout  le  contraire.  Qu'ainsi  soit,  il  n'y  a  celuy  de  nous  qui  ne  se  voye  comme  flottant  en  la  mer  etc.  2)  Add.  De  la  ses  eleuz  prenent  courage  d'estre  constans  apres  s'estre  recommandez  a  Dieu.  3)  ce  qui  adviendra  demain  ou  apres.  4)  Mais  ceux  qui  portent  le  sceau  du  sainct  Esprit  imprime  en  leurs  cueurs  savent  bien  que  l'asseurance  de  foy  n'est  pas  pour  un  iour,  et  de  cela  nous  en  avons  bonne  probation  etc.  Calvini  opera.  Vol  VIII.