54:321  321  SUR  LA  SECONDE  A  TIMOTHEE.  322  VINGTSEPT1EME  SERMON.  Chap.  IV,  v.  5.6.  Combien  qu'en  voyant  les  autres  desbauchez,  nous  serons  en  danger  d'estre  esbranlez  de  nostre  part,  sainct  Paul  prend  un  argument  de  cela,  que  les  fideles  se  doyvent  tant  plus  confermer,  quand  ils  voyent  que  ceux  qui  n'ont  point  este  fermes  ne  constans  s'alienent  de  Dieu,  et  se  destournent  ainsi  du  bon  chemin,  que  cela  les  doit  tant  plus  inciter  a  suyvre  la  saincte  vocation  de  Dieu.  Voila��  pourquoy  apres  avoir  declare  que  le  monde  est  si  pervers  qu'il  ne  pourra  porter  la  bonne  doctrine,  mais  qu'il  ne  sera  question  que  d'appeter  des  tromperies,  ii  dit,  loy  veille  en  toutes  choses.  Nous  voyons  donc  que  Dieu  nous  incite  a  estre  tant  plus'  vigilans  quand  les  choses  sont  confuses  en  ce  monde.  Il  est  vray  que  sainct  Paul  exhorte  ici  Timothee  qu'il  doit  porter  la  lampe  pour  esclairer  toute  l'Eglise:  mais  tant  y  a  qu'un  chacun  de  nous  en  son  endroit  doit  prattiquer  ceste  doctrine:  comme  aussi  il  nous  faut  bien  garder  de  nous  endormir  quand  nous  voyons  les  dangers  estre  prochains.  Et  de  faict,  quant  au  monde  et  a  la  vie  presente  nous  sommes  assez  advisez  de  cela:  et  pour  le  salut  de  nos  ames  aurons-nous  moins  de  soin?  Voila  donc  ce  qu'il  nous  faut  conclure,  Que  si  Satan  travaillle  l'Eglise  de  Dieu,  qu'il  mette  en  avant  des  scandales,  que  le  monde  s'esgare,  que  tout  soit  dissipe,  que  tout  aille  a  rebours,  qu'il  nous  faut  estre  tant  plus  vigilans,  afin  que  nous  ne  soyons  point  surprins.  Or  pour  ee  faire  il  est  besoin  que  nous  soyons  armez  de  patience:  car  quand  tout  sera  ainsi  desborde  a  mal,  il  ne  se  peut  faire  que  les  enfans  de  Dieu  ne  soyent  picquez  et  tourmentez,  qu'on  ne  se  mocque  d'eux,  qu'on  ne  leur  face  beaucoup  d'iniures  et  opprobres.  Et  quand  on  ne  s'addresseroit  point  a  leurs  personnes,  ce  leur  est  desia  une  angoisse  bien  grande,  et  fascheuse  a  porter,  quand  ils  voyent  que  le  nom  de  Dieu  est  blaspheme,  que  son  service  est  mis  sous  le  pied,  que  la  religion  est  vilipendee,  que  tout  bien  est  comme  mocque  et  mis  bas.  Quand  ils  voyent  cela,  encores  qu'en  particulier  on  ne  leur  feist  nul  moleste,  si  doyvent-ils  sentir  en  eux  une  destresse  si  grande  qu'ils  n'ayent  nul  repos,  mais  qu'ils  gemissent  et  nuict  et  iour.  Quand  donc  le  diable  aura  son  enseigne  dressee,  et  que  les  scandales  et  les  troubles  auront  la  vogue,  nous  ne  pourrons  pas  estre  attentifs  pour  nous  garder,  sinon  que  nous  soyons  fortifiez  en  patience,  que  nous  ne  perdions  point  courage  pour  les  maux  qu'il  nous  faudra  souffrir.  Or  si  ceste  admonition  a  iamais  este  utile,  la  necessite  nous  monstre  qu'auiourd'huy  nous  en  avons  Calvini  opera.  Vol.  LIV.