52:321  321  CAPUT  VI.  322  confirmat:  quia  aequo  animo  exspectanda  est  opportunitas,  quam  Deus  pro  sua  sapientia  praestituit.  Mire  etiam  probos  et  sanctos  pastores  torquet  altera  indignitas,  quod  ubi  summa  integritate  officio  perfuncti  sunt,  multis  iniquis  sermonibus  perstringuntur,  onerantur  multiplici  invidia,  vident  rapi  in  contrariam  partem  quae  laudem  merebantur.  Hac  etiam  ex  parte  subvenit  Paulus,  quum  admonet  Timotheum  quibusdam  bonis  operibus  lucem  in  aliud  tempus  reservari.  Itaque  si  laus  eorum  quasi  sub  terram  defodiatur  hominum  ingratitudine,  id  quoque  placido  animo  esse  sustinendum,  donec  revelationis  tempus  adveniat.  Quamquam  non  his  solum  malis  medetur:  sed  quia  nos  saepe  falli  contingit  in  eligendis  ministris,  dum  se  indigni  astute  insinuant,  boni  autem  nobis  sunt  ignoti:  deinde  etiamsi  non  erremus  ipsi  iudicando,  non  tamen  aliis  probare  iudicium  nostrum  possumus:  sed  qui  optimi  sunt,  repudiantur,  nobis  contra  nitentibus:  mali  autem  vel  obrepunt,  vel  se  obtrudunt:  fieri  non  potest  quin  nos  magnopere  angat  nostra  et  ecclesiae  conditio.  Itaque  Paulus  in  offensione  vel  tollenda,  vel  saltem  sublevanda  laborat.  Haec  igitur  summa  sit,  ferenda  esse  quae  statim  corrigi  nequeunt,  gemendum  ubi  nondum  remedio  idoneum  est  tempus,  morbis  non  esse  vim  adhibendam  donec  vel  maturuerint,  vel  patefacti  sint:  rursus  quoties  virtuti  non  habetur  suus  honor,  exspectandum  esse  maturum  revelationis  tempus,  ac  tolerandum  esse  mundi  stuporem,  ac  quiescendum  esse  in  tenebris  donec  illuceat  dies.  Venio  nunc  ad  verba,  postquam  rem  breviter  complexus  sum.  Quum  dicit  peccata  quorundam  hominum  ante  manifestata  esse,  intelligit  mature  patefieri,  et  quasi  ante  tempus  prodire  in  notitiam  hominum.  Et  hoc  similitudine  exprimit,  quasi  currendo  festinent  ad  suum  iudicium.  Videmus  enim  ut  multi  praecipites  ruant  sponteque  accersant  sibi  damnationem:  etiamsi  totus  mundus  salvos  cupiat.  Quoties  autem  id  accidit,  succurrat  nobis,  arcano  Dei  providentiae  motu  instigari  reprobos  ut  spumas  suas  proiiciant.  In  quibusdam  subsequuntur.  Quod  Erasmus  vertit,  quosdam  subsequuntur,  non  recipio.  Tametsi  videtur  id  graecae  constructioni  magis  quadrare,  sensus  tamen  postulat  ut  subaudiatur  particula  ev.  Casus  enim  mutatio  non  tollit  antithesin.  Nam  sicuti  dixerat  quorundam  peccata  celeriter  ad  iudicium  suum  festinare:  ita  nunc  e  converso  addit,  quorundam  (vel  aliorum)  tardius  venire  in  notitiam.  Sed  loco  genitivi  posuit  dativum,  in  aliis.  Significat  autem,  utcunque  diutius  quam  optemus  lateant  quorundam  peccata  et  tarde  proferantur  in  lucem,  non  tamen  perpetuo  fore  occulta.  Nam  et  ipsa  tempus  suum  habebunt.  Quod  si  tamen  magis  placeat  Erasmi  versio,  idem  maneat  sensus  necesse  est:  nempef  quamvis  non  properet  Dei  vindicta,  a  tergo  tamen  lente  subsequi.  Calvini  opera.  Vol,  LII,