51:321  321  SUR  L'EPITRE  AUX  EPHESIENS.  322  que  nous  sommes  corrompus  par  le  peche.  Il  faut  donc  que  Dieu  nous  donne  de  nouveaux  yeux,  comme  desia  nous  avons  dit.  Or  il  adiouste  le  mot  de  sagesse,  a  fin  d'abatre  tant  mieux  ceste  folle  presomption  que  les  hommes  concoyvent  quand  ils  veulent  voler  sans  ailes  pour  parvenir  a  Dieu.  Car  il  n'y  a  celuy  qui  ne  vueille  estre  sage.  Or  si  nous  desirions  une  vraye  sagesse  en  la  demandant  a  Dieu,  il  est  certain  que  ce  seroit  un  bon  desir  et  bien  reigle.  Mais  il  y  a  deux  fautes  en  nous:  car  nous  voulons  estre  sages  a  nostre  fantasie:  et  ne  suisie  pas  assez  suffisant  pour  me  gouverner?  dira  un  fol:  et  cependant  nous  mesprisons  la  parole  de  Dieu,  et  chacun  veut  qu'on  luy  lasche  la  bride  sur  le  col,  et  qu'il  ait  licence  de  faire  tout  ce  que  bon  luy  semblera.  Or  voila  un  exces  par  trop  grand.  L'autre  est,  qu'en  lisant  l'Escriture  saincte,  encores  cuidons-nous  parvenir  a  l'intelligence  de  ce  qui  est  la)  contenu  par  nostre  iugement  propre.  Mais  ici  tous  les  deux  sont  exclus  par  sainct  Paul.  Car  quand  il  demande  a  Dieu  qu'il  donne  a  ses  fideles  Esprit  de  sagesse,  il  monstre  qu'ils  n'ont  nulle  discretion  non  plus  que  bestes  brutes:  sinon  d'autant  que  nostre  Seigneur  les  guide,  voire  pour  parvenir  au  royaume  des  cieux.  Car  en  la  police  et  aux  choses  humaines,  Dieu  encores  n'en  donne  sinon  a  ceux  que  bon  luy  semble.  S'il  se  reserve  tousiours  sa  bonte  speciale,  de  donner  a  qui  il  luy  plaist  discretion  pour  se  conduire  es  choses  basses  de  ce  monde:  *voila  comme  il  fait  que  les  incredules  peuvent  bien  voir:  mais  quand  il  est  question  de  la  vie  celeste,  il  n'y  a  nulle  adresse  en  nous.  Et  pourtant  sainct  Paul  presuppose  ce  que  desia  nous  avons  dit,  c'est  a  scavoir  qu'il  nous  faut  estre  enseignez  de  Dieu  en  sa  cognoissance  par  la  doctrine  de  verite,  par  le  tesmoignage  de  l'Evangile.  Et  sans  cela  nous  serions  comme  ces  fantastiques  qui  s'esgarent,  sous  ombre  qu'ils  ont  revelation  du  S.  Esprit:  mais  ce  n'est  pas  comme  sainct  Paul  a  prins  ce  mot  de  revelation,  quand  il  prie  que  Dieu  la  donne  a  ses  enfans.  Comme  quand  Iesus  Christ  parle  de  son  Esprit,  il  ne  le  separe  point  de  la  doctrine  qu'il  avoit  preschee.  Il  dit,  Quand  l'Esprit  viendra,  il  vous  annoncera  toute  verite.  Et  comment?  les  Apostres  ne  l'avoyent  ils  pas  desia  receue?  Mais  ii  adiouste,  II  vous  monstrera  les  choses  que  maintenant  vous  oyez  de  ma  bouche.  Brief,  c'est  le  propre  office  du  sainct  Esprit,  de  nous  enseigner  tellement,  que  cependant  la  Parole  que  nous  oyons  ait  son  rang  et  son  degre,  et  que  nous  profitions  en  icelle.  Or  la  dessus  sainct  Paul  monstre  aussi  en  quoy  gist  toute  nostre  clairte  et  nostre  science,  c'est  en  ce  que  nous  cognoissions  Dieu  en  la  personne  de  son  Fils  unique.  Voila  (di-ie)  de  quoy  il  nous  faut  contenter.  Car  si  nous  avons  nos  esprits  fretillans  Calvini  opera.  Vol  LL