50:321  321  SUR  L'EPITRE  AUX  GALATES  322  cognoissans  qu'en  luy  le  Pere  a  mis  tout  ce  qui  estoit  requis  pour  nostre  salut:  et  que  nous  scachions  aussi  qu'en  la  vertu  de  son  sainct  Esprit,  il  nous  conduit  et  gouverne,  tellement  qu'estans  sous  sa  protection  nous  sommes  asseurez  que  le  diable  et  tous  ces  supposts  ne  pourront  rien  contre  nous,  quand  nous  serons  ainsi  preservez  par  sa  vertu.  Voila  le  contenu  de  l'Evangile  qu'il  nous  faut  scavoir  ou  ce  qui  est  ici  dit  ne  nous  profitera  rien.  Au  reste,  sainct  Paul  pour  monstrer  que  non  sans  cause  il  sc  prefere  ici  a  ceux  qui  vouloyent  desguiser  la  doctrine  de  l'Evangile,  pour  y  apporter  quelque  meslinge  et  addition,  use  de  deux  argumens.  L'un  est,  qu'il  s'est  porte  fidelement  et  d'une  affection  pure  et  droite  a  enseigner  les  Galatiens  et  tous  autres.  Pour  le  second  il  dit  qu'il  n'a  rien  mis  en  avant  de  son  propre:  mais  qu'il  avoit  receu  de  nostre  Seigneur  Iesus  Christ  par  revelation  celeste  ce  qu'il  leur  a  propose.  Or  il  nous  faut  bien  noter  ces  deux  argumens,  a  fin  que  nous  scachions  que  non  sans  cause  sainct  Paul  a  declare  ci-dessus  que  ceste  doctrine  devoit  estre  authentique,  et  qu'il  n'estoit  point  licite  a  creature  vivante  de  batailler  a  l'encontre.  De  la  nous  pouvons  recueillir  une  reigle  generale,  comment  nous  devons  estre  asseurez  en  nostre  foy.  Car  les  Anges  ne  descendront  pas  pour  parler  a  nous  d'une  facon  visible,  mais  nous  serons  enseignez  par  la  bouche  des  hommes.  Or  tant  y  a,  comme  i'ay  desia  dit,  qu'il  nous  faut  avoir  ceste  conclusion  infaillible,  que  nous  tenons  de  Dieu  et  de  nostre  Seigneur  Iesus  Christ  la  doctrine  ou  nostre  foy  est  fondee  et  appuyee.  Et  comment  comprendrons-nous  cela?  Par  ces  deux  raisons  qui  sont  ici  couchees.  L'une  c'est  que  ceux  qui  nous  enseignent  ayent  un  desir  et  zele  de  nous  mener  a  Dieu,  et  qu'ils  ne  s'arment  point  du  titre  et  du  nom  des  hommes,  et  que  mesmes  ils  n'ayent  rien  de  l'homme:  mais  qu'ils  suivent  le  train  que  Dieu  a  commande  a  tous  les  siens,  c'est  a  scavoir  qu'on  luy  aequiore  le  monde  en  obeissance:  voila  pour  un  item.  Et  puis  pour  le  second,  outre  le  bon  zele,  qu'il  y  ait  aussi  certitude,  que  celuy  qui  parle  n'entreprend  rien,  et  qu'il  ne  passe  point  ses  bornes,  mais  que  de  main  en  main  il  propose  ce  qui  luy  est  commande,  en  sorte  que  Iesus  Christ  soit  tousiours  ouy  et  qu'il  parle,  et  que  toute  bouche  soit  close,  sinon  a  fin  qu'on  l'escoute,  et  que  sa  doctrine  nous  soit  cognue.  Or  quant  au  premier,  la  ou  S.  Paul  proteste  de  son  affection,  il  dit  qu'il  ne  conseille  pas  selon  Vhomme,  mais  selon  Dieu.  Et  par  cela  il  signifie  qu'il  n'y  va  point  d'une  affection  mondaine,  mais  qu'il  tasche  de  se  conformer  simplement  a  Dieu,  puis  qu'il  a  este  appele  de  luy:  et  qu'il  a  aussi  Iesus  Christ  son  maistre,  tellement  qu'il  ne  met  que  cestuy-la  en  avant,  et  qu'il  ne  prend  point  un  Calvini  opera.  Vol.  L.