5:321  CATECHISMUS.  tur.  Quin  nostraf  confessione  continetur,  observaticneni  divinae  legib  impossibilem  esse.  Et  sunt  tamen  qui  palam  fremant,  nos  simpliciter  populum  ad  promittendam  legis  impletionem  sacramento  adegisse:  propterea  quod  se  confessionem  servaturos  iurarunt,  in  qua  lex  Domini  comprehensa  foret.  Neque  respiciunt,  quid  de  lege  ipsa  disertis  verbis  illic  doceatur.  Iam  ad  vos  peculiariter  sermonem  convertimus,  o  Fratres,  qui  regendis  pascendisque  Christi  ecclesiis,  spiritus  sancti  auspiciis  estis  designati.  Si  uni  principi,  adversus  eundem  hostem,  uno  belli  gerere,  1)  iisdem  in  castris  militamus,  iis  omnibus  meminerimus  ad  concordiam  unanimitatemque  non  mediocriter  nos  incitari.  Non  est  certe  parvi  honoris,  quod  dux  tantus  suis  ordinibus  nos  dignatus  est.  Proinde  ingratissimi  sumus,  nisi  nos  illi  devovemus  totos.  Quod  ut  fiat,  non  modo  studium,  ad  gerenda  eius  negotia,  bona  fide  applicare,  sed  utroque  etiam  oculo  in  eius  nutum  intueri  convenit.  Utrumque  autem  valde  necessarium.  Inde  enim  ut  plurimum  certamina  ebulliunt,  quod  se  ipsum  quisque,  non  Christum  quaerit.  Nec  minores  interdum  contentiones  accendunt,  qui  ad  exsequenda  sua  munia  fideliter  animi  studio  intenti,  sensum  tamen  suum  magis  quam  ducis  signum  sequuntur.  Quanquam  si  vere  aestimare  placet,  bene  agendi  principium  militibus  est,  deposita  omni  contumacia,  prorsus  a  ducis  arbitrio  pendere.  Sibi  enim  profecto  studet,  qui  utcunque  sibi  addictus  est.  Quod  si  imperatori  Christo  nostra  obsequia  approbare  cupimus,  piam  inter  nos  conspirationem  ineamus  necesse  est,  ac  mutuam  pacem  foveamus,  quam  suis  non  commendat  modo,  sed  etiam  inspirat.  Quid?  an  non  hostis  quoque  ipse  diabolus  aculeos  nobis  ad  syncretismum  agendum  admovere  debet?  Tametsi  enim  belua  est  tot  capitum,  videmus  tamen  ut  ad  impetendum  Christi  regnum  in  densum  cuneum  se  agglomeret?  Si  in  principe  odiorum,  factionum,  dissidiorum,  ea  est  consensio:  quanto  nos  pressius  animos  et  copias  coniungere  decet,  qui  pro  rege  pacis  adversus  eum  confligimus?  Huc  nos  et  pugnae  species  hortatur.  Adversus  Satanae  mendacia  quibus  armis  instruimur,  nisi  Dei  veritate?  Ea  sublata,  nudi  atque  exarmati  relinquimur.  Atqui  ut  una  est  et  sibi  constans,  ita  nostris  concertationibus  distrahi  se  non  patietur.  Postremo,  quum  ad  propugnanda  eadem  castra  simus  collocati,  quid  nobis  volumus,  dum  intestinis  praeliis  tumultuamur?  Quod  si  ^arum  nos  afficiunt  tot  rationes,  animum  saltem  advertamus  ad  id  quod  Christus  clamat:  Non  posse  servis  suis  vulnus  imprimi,  quin  ipse  sibi  inflictum  imputet.  O  si  men-  1)  Lege:  geneip.