41:321  321-322  NOTICE  LITTERAIRE.  De  ma  part  i'ai  estime  faire  en  cela  chose  qui  vous  deust  plaire  et  estre  agreable,  vous  faisant  offre  d'un  si  excellent  oeuvre  pour  tesmoignage  et  comme  pour  arres  du  treshumble  service  que  ie  vous  feray  tout  le  temps  de  ma  vie,  vous  suppliant,  Monseigneur,  le  recevoir  et  accepter  d'un  couste  comme  pouvant  grandement  servir  a  la  gloire  de  Dieu,  et  a  l'edification  de  son  Eglise,  et  venant  de  la  famille  d'un  si  fidele  et  excellent  serviteur  de  Dieu,  d'autre  comme  vous  estant  presente  et  adresse  par  moy,  pour  reconnoissance  et  protestation  que  ie  fais,  de  vous  estre  a  iamais  tresfidele  et  affectionne  serviteur.  Et  d'autant  que  Daniel  sur  la  fin  de  sa  prophetie  nous  admoneste,  qu'en  ces  derniers  temps  il  y  aura  tribulation  si  grande  en  l'Eglise  de  Dieu,  qu'il  n'i  en  ha  point  eu  de  telle,  puis  qu'il  y  ha  eu  gens  iusques  a  ce  temps  ici,  ie  prie  Dieu,  Pere  de  toute  bonte  et  misericorde,  qu'il  luy  plaise,  Mon-Seigneur,  vous  preserver  et  conserver  et  toute  vostre  noble  famille,  et  de  plus  en  plus  augmenter  et  accroistre  en  vous,  Fardent  zele  et  autres  admirables  vertus  dont  il  nous  ha  doue  pour  le  soulagement  de  son  Eglise,  et  advancement  du  regne  de  Iesus  Christ  son  fils  eternel,  et  qu'il  nous  face  a  tous  la  grace  de  nous  y  porter  si  fidelement  et  constamment,  que  nous  soions  en  fin  trouves  avec  le  peuple  qui  eschappera  a  scavoir  qui  sera  trouve  escrit  au  livre  de  vie,  et  qu'estans  nettoies,  blanchis,  et  purges,  apres  avoir  vaillamment  bataille,  nous  soions  couronnes  de  la  couronne  de  gloire  et  immortalite  au  regne  eternel  de  nostre  Roy  et  capitaine  Iesus  Christ,  auquel  soit  gloire  et  empire  a  iamais.  De  la  Rochelle,  ce  troisieme  de  May,  M.  D.  LXV*  Calvini  opera.  Vol.  XLI.  21