25:321  321  REDITUS  AD  HISTORIAM.  322  quia  si  nihil  cuiusquam  esset  proprium,  nulla  esset  iustitiae  ac  integritatis  probatio.  37.  luit  vero  census.  Ab  effectu  ostenditur  magnitudo  victoriae  :  quia  nonnisi  ex  magna  et  populosa  regione  tanta  pecorum  copia  confici  poterat.  Non  admodum  fertilem  fuisse  probabile  est,  ideoque  in  divitiis  non  vinum  et  frumentum,  sed  tantum  animalia  numerantur.  Pascuis  tamen  fuisse  nobilem  coniicere  promptum  est:  quia  montes  aridi  tot  boves,  capras,  oves  et  camelos  non  alerent:  quanquam  ex  puellis  liquet,  viros,  qui  occisi  sunt,  plures  fuisse  numero  quam  victores  qui  ad  proelium  missi  fuerant:  nam  ut  demus  singulis  fuisse  filias  virgines,  triplo  fere  superabant  duodecim  millia.  Unde  rursus  apparet,  victoriam  fuisse  divinitus  partam.  Mirum  tamen  videri  potest  quod  gente  penitus  deleta,  aliquanto  post  exstiterit  posteritas,  ac  si  ex  patrum  cineribus  progeniti  essent  novi  Madianitae.  Neque  enim  adeo  longum  tempus  effluxit  ab  hac  clade  usque  ad  tempus  Gedeonis  quo  ausi  sunt  ultro  lacessere  Israelitas,  et  sua  multitudine  freti  perrumpere  in  medium  sinum  terrae  Chanaan:  imo  iam  totam  viciniam  oppresserant.  Quomodo  id  contigerit,  quia  scripturis  proditum  non  est,  tantum  superest  coniectura,  plurimos  (ut  fieri  solet  in  rebus  trepidis)  alio  fugisse,  qui  paulo  post  in  vacuam  possessionem  reversi  sunt.  Subita  enim  Israelitarum  irruptio  instar  procellae  statim  evanuit:  nec  difficilis  fuit  fuga  vagae  et  erraticae  genti.  Fieri  etiam  potest,  ut  multi  hinc  inde  hospites  in  terram  suis  incolis  orbatam  confluxerint:  vel  etiam  ut  Israelitae  leviter  defuncti  officio  citius  quam  decebat  receptui  cecinerint,  ac  deinde  eorum  pigritiam  ultus  fuerit  Deus.  Utcunque  sit,  docemur  hoc  exemplo,  impios  non  minus  quam  vitiosas  et  noxiosas  herbas  pullulare,  ut  saepius  excisi  terram  subinde  operiant.  EX  EODEM  CAPITE.  48.  Et  accesserunt  ad  Mosen  praefecti  millium  militiae,  tribuni  et  centuriones.  49.  Dixeruntque  ad  Mosen:  Servi  tui  levaruntl)  summam  virorum  bellatorum  qui  sunt  in  manu  nostra,  et  non  defuit  in  nobis  quisquam.  50.  Propterea  obtulimus  oblationem  Iehovae  quisque  quod  invenit,  vasa  aurea,  brachiale,  et  ornamentum  manus,  annulum,  inaurem,  et  subligaculum  femineum,  ad  expiandum  animas  nostras  coram  Iehova.  51.  Et  accepit  Moses  et  Eleazar  sacerdos  aurum  ab  illis,  omnia  vasa  operis.  52.  Fuitque  omne  aurum  oblationis  quod  obtulerunt  Iehovae  sedecim  millia,  septingenti  et  quinquaginta  sicli,  a  tribunis  et  centurionibus.  53.  (Viri  namque  exercitus  praedati  1)  In  margine:  vel,  subduxerunt.  Calvini  opera.  Vol  XXV.