1:321  CAP.  II.  DE  COGNITIONE  HOMINIS.  A27;  B25;  C  25.]  illud  arrogant  sine  gratia.  Ut  quid  ergo,  inquit,  miseri  homines  aut  de  libero  arbitrio  audent  superbire  antequam  liberentur,  aut  de  suis  viribus,  si  iam  liberati  sunt?  Nec  attendunt  in  ipso  nomine  liberi  arbitrii  utique  libertatem  sonare.  Ubi  autem  spiritus  Domini,  ibi  libertas.  Si  ergo  servi  sunt  peccati,  quid  se  iactant  de  libero  arbitrio  ?  a  quo  enim  quis  devictus  est,  huic  et  servus  addictus  est.  Si  autem  liberati  sunt,  quid  se  iactant  velut  de  opere  proprio?  An  ita  liberi  sunt,  ut  nec  servi  eius  esse  velint,  qui  dicit:  sine  me  nihil  potestis  facere  ?  Quid,  quod  alio  etiam  loco  videtur  iocose  eludere  usum  eius  vocis,  quum  dicit:  1)  liberum  quidem  esse  arbitrium,  sed  non  liberatum:  liberum  iustitiae,  servum  peccati.  Quam  sententiam  alibi  quoque  repetit  et  explicat,  2)  ubi  docet  liberum  a  iustitia  non  esse  hominem,  nisi  arbitrio  voluntatis;  a  peccato  autem  non  fieri  liberum,  nisi  gratia  Salvatoris.  Qui  libertatem  hominis  nihil  aliud  esse  sibi  testatur  quam  emancipationem,  vel  manumissionem  a  iustitia,  illius  inane  nomen  videtur  belle  irridere.  Itaque,  si  quis  dictionis  3)  huius  usum  non  prava  intelligentia  sibi  permittat,  per  me  quidem  non  vexabitur  ob  eam  rem;  sed  quia  sine  ingenti  periculo  non  posse  retineri  censeo,  magno  contra  ecclesiae  bono  futurum,  si  aboleatur,  neque  ipse  usurpare  velim,  et  alios,  si  me  consulant,  abstinere  optarim.  28.  Magnum  mihi  praeiudicium  attulisse  forsan  videar,  qui  scriptores  omnes  ecclesiasticos,  excepto  Augustino,  ita  ambigue  aut  varie  in  hac  re  loquutos  esse  confessus  sum,  ut  certum  quidpiam  ex  eorum  scriptis  haberi  nequeat.  Hoc  enim  perinde  nonnulli  interpretabuntur,  quasi  a  suffragii  iure  depellere  ideo  ipsos  voluerim,  quia  mihi  sint  omnes  adversarii.  Ego  vero  nihil  aliud  spectavi,  quam  quod  volui  simpliciter  ac  bona  fide  consultum  piis  ingeniis;  quae  si  eorum  sententiam  hac  in  parte  exspectent,  semper  incerta  fluctuabunt:  adeo,  nunc  hominem  liberi  arbitrii  viribus  spoliatum,  ad  solam  gratiam  confugere  docent;  nunc  propriis  ipsum  armis  aut  instruunt,  aut  videntur  instruere.  Difficile  tamen  factu  non  est,  ut  appareat  eos  in  huiusmodi  loquendi  ambiguitate,  humana  virtute  nihili  aut  quam  minimo  aestimata,  totam  spiritui  sancto  bonorum  omnium  laudem  detulisse,  si  quasdam  eorum  sententias  huc  inseram  quibus  id  clare  docetur.  Quid  enim  sibi  vult  illud  Cypriani,  toties  ab  Augustino  4)  celebratum:  de  nullo  gloriandum,  quia  nihil  nostrum  est,  nisi  ut  homo  prorsus  apud  se  exinanitus  a  Deo  totus  pendere  discat.  Quid  illud  Augustini  et  5)  Eucherii,  dum  lignum  vitae  Christum  esse  exponunt,  6)  1)  De  correptione  et  gratia,  c.  13.  2)  Lib.  1.  ad  Bonifac.  c.  2.  3)  vocis  1550  et  seqq.  4)  Lib.  de  praedest,  sanctorum  c.  3.  Item  ad  Bonifac.  lib.  4.,  et  alibi.  5)  Lib.  de  Genes,  ad  lit.  8,  4.  6)  exponit  1539  .  1545.  Calvini  opera.  Vol.  I.