8:320  ridendum  prostituit.  Sicuti  literae  et  spiritus  circumcisio  a  Paulo  statuitur  (Rom.  2,  29):  ita  et  de  baptismo  sentiendum  est  :  quosdam  literale  duntaxat  symbolum  in  corpore  gestare,  qui  re  ipsa  procul  absunt.  Nam  et  Petrus,  ubi  docuit,  baptismo  nos  salutem  consequi,  mox  quasi  addita  correctione,  pronunciat,  non  sufficere  nudam  et  externam  carnis  ablutionem,  nisi  et  bonae  conscientiae  responsio  accedat  (1  Petr.  3,  21).  Quare  scriptura,  quum  de  sacramentis  disserit,  bifariam  loqui  solet.  Si  quum  hypocritis  agit,  qui  inani  figura  gloriantes  rem  ipsam  negligunt:  ut  futilem  eorum  [pag.  126]  confidentiam  prosternat,  ex  perverso  eorum  sensu  veritatem  a  signis  separat.  In  hunc  modum  Paulus  (1  Cor.  10,  3  ss.)7  nihil  profuisse  veteri  populo  admonet,  quod  in  maris  transitu  baptizatus  fuerit,  quod  eandem  nobiscum  escam  spiritualem  comederit  in  deserto  (eisdem  scilicet  donorum  spiritualium  symbolis  nobiscum  participasse  intelligens).l)  Verum,  ubi  apud  fideles  habetur  sermo,  usus  sacramentorum  ut  legitimus,  ita  efficax  describitur:  qui  divinae  scilicet  institutioni  respondeat.2)  Quo  pertinent  istae  sententiae:  Induisse  Christum,  insitos  in  eius  corpus,  et  illi  consepultos,  qui  in  eius  nomen  baptizati  sunt  (Rom.  6,  4;  Col.  2,  12;  Gal.  3,  27;  1  Cor.  12,  27).  Inde  colligit  Pighius,  quicunque  visibili  aquae  elemento  aspersi  fuerint,  vere  spiritu  regenitos,  et  in  Christi  corpus  coaluisse,  ut  Deo  eiusque  iustitiae  vivant.  Nec  eum  pudet,  complures  talibus  naeniis  paginas  implere,  quum  generaliter  omnia  Christi  membra  nominem,  sub  eo  sermone  comprehendi  quicunque  externo  baptismo  tincti  sunt.3)  Paulo  post  tamen4)  quasi  retracta  alarum  expansione,  subiicit,  multos  a  Christo  deficere,  qui  vere  in  eius  corpus  insiti  fuerant:  nam  quos  a  patre  sibi  creditos  in  fidem  custodiamque  suam  recipit,  ita  fingit  ab  eo  servari,  ut  a  libero  suo  arbitrio  suspensam  habeant  suam  salutem.  Multis,  inquit,  tutelans  Christi  gratia  non  deest:  sed  ipsi  sibi  desunt,  [pag.  127]  Certe,  ut  nunquam  poterit  satis  severe  hominum  socordia  et  ingratitudo  coargui,  qui  se  Dei  auxilio  subducunt:  ita  minime  tolerabilis  est  in  Christum  contumelia,  electos  dicere  ab  eo  servari,  si  modo  se  ipsi  tueantur:  ut  ambiguum  sit  Christi  praesidium,  quod  diabolo  et  omnibus  inferorum  machinis  inexpugnabile  fore  affirmat.  Daturum  se  vitam  aeternam  promittit  omnibus  qui  1)  Add.  Nous  voyons  icy  comme  il  prend  la  figure  toute  vuide  selon  la  perversite  de  ceux  qui  en  abusent.  2)  Add.  et  pourtant  il  le  conioint  avec  la  vertu  du  sainct  Esprit.  3)  Vide  an  sensum  attigerit  Gallus  :  il  n'a  point  honte  de  brouiller  beaucoup  de  feuillets  d'un  tel  badinage  que  tous  ceux  qui  ont  receu  le  signe  visible  du  Baptesme  doyvent  estre  reputez  membres  de  Christ.  4)  In  fine  libri  7.