55:320  Atqui  mundus  transit.  Quia  in  mundo  nihil  est  nisi  caducum  et  quasi  momentaneum,  ex  eo  colligit  quam  male  et  misere  sibi  consulant  qui  hic  sibi  felicitatem  constituunt:  praesertim  quum  ad  beatam  aeternae  vitae  gloriam  nos  Deus  vocet:  ac  si  diceret:  Vera  felicitas,  quam  Deus  filiis  suis  offert,  aeterna  est:  indignum  est  igitur,  nos  mundo  implicari,  qui  mox  cum  bonis  suis  omnibus  evanescet.  Concupiscentiam  hic  interpretor  metonymice,  quidquid  concupiscitur,  et  hominum  desideria  ad  se  rapit.  Sensus  est,  quidquid  in  mundo  pretiosissimum  et  maxime  optabile  ducitur,  nihil  quam  umbratile  esse  spectrum.  Quum  dicit,  perpetuo  manere  qui  faciunt  Dei  voluntatem  :  significat  perpetuo  fore  beatos  qui  ad  Deum  adspirant.  Si  quis  obiiciat,  neminem  facere  quod  Deus  praecipit:  responsio  in  promptu  est,  non  de  absoluta  legis  observatione  hic  agi,  sed  de  fidei  obedientia,  quae  utcunque  perfecta  non  sit,  Deo  nihilominus  probatur.  Voluntas  Dei  primum  in  lege  nobis  monstratur:  sed  quia  legi  nemo  satisfacit,  nulla  illinc  felicitas  sperari  potest.  Verum  desperatis  occurrit  Christus  cum  novo  subsidio,  qui  non  tantum  spiritu  nos  suo  regenerat  ut  obediamus  Deo:  sed  facit  etiam  ut  qualiscunque  noster  conatus  plenae  iustitiae  laudem  obtineat.  18,  Filioli,  novissima  hora  est:  et  sicut  audistis  quod  Antichristus  venturus  sit,  etiam  nunc  antichristi  multi  coeperunt  esse:  unde  scimus  esse  novissimam  horam.  19.  Ex  nobis  egressi  sunt}  sed  non  erant  ex  nobis.  Nam  si  fuissent  ex  nobis^  permansissent  utique  nobiscum  :  sed  ut  manifesti  fierent  quod  non  erant  omnes  ex  nobis.  18.  Novissima  hora.  Confirmat  fideles  adversus  offendicula  quibus  poterant  turbari.  Iam  exortae  erant  variae  sectae  quae  et  fidei  unitatem  scindebant,  et  dissipabant  ecclesias.  Apostolus  autem  non  tantum  fideles  munit,  ne  titubent:  sed  in  contrarium  finem  hoc  totum  vertit.  Admonet  enim  eos,  iam  adesse  tempus  extremum,  ideoque  eos  ad  maiorem  vigilantiam  hortatur:  ac  si  diceret,  Dum  emergunt  errores  diversi,  potius  expergefieri  vos  decet  quam  obrui.  Inde  enim  colligendum  est,  non  procul  abesse  Christum:  ergo  intenti  simus  in  eius  exspectationem,  ne  subito  nos  deprehendat.  Eodem  modo  hodie  quoque  nos  erigi  decet,  et  propinquum  Christi  adventum  fide  apprehendere,  dum  omnia  miscet  Satan,  turbandae  ecclesiae  causa.  Haec  enim  sunt  ultimi  temporis  signa.  Verum  tot  saecula,  quae  a  morte  Iohannis  fluxerunt,  videntur  hoc  vaticinium  falsi  coarguere.  Respondeo,  apostolum  vulgari  scripturae  more  denuntiare  fidelibus,  nihil  iam  amplius  restare,  nisi  ut  Christus  in  mundi  redemptionem  appareat.  Quia  vero  nullu  tempus  praefigit,  neque