52:320  sideramus:  nempe  quod  res  varias  interdum  miscere  solet.  /Porro  summa  est,  ut  Timotheus  aliquantulum  vini  bibere  assuescat,  valetudinis  sustentandae  causa.  Non  enim  prohibet  in  totum  ne  bibat  aquam,  sed  ne  utatur  hoc  ordinario  potu.  Nam  verbum  oSporcoTStv  hoc  significat.  Sed  cur  non  simpliciter  consulit  ut  bibat  vinum  ?  Videtur  enim,  quum  pauxillum  addit,  velle  obviam  ire  intemperantiae:  quod  non  fuit  verendum  in  Timotheo.  Respondeo,  hoc  potius  fuisse  expressum  ut  occurreret  improborum  calumniis,  quibus  promptum  alioqui  fuisset  eius  consilium  subsannare,  hoc  scilicet  colore,  aut  simili,  Qualis  isthaec  est  philosophia,  quae  ad  potandum  vinum  incitat?  haecne  via  est  qua  in  coelum  conscenditur?  Ut  eiusmodi  sannas  praeveniat  apostolus,  testatur  se  necessitati  duntaxat  consulere:  et  mediocritatem  simul  commendat.  Apparet  autem  Timotheum  non  frugalem  tantum  in  victu,  sed  etiam  austerum  fuisse:  ut  qui  ne  valetudini  quidem  suae  parceret.  Ac  certum  est,  neque  ambitione  id  ab  eo,  neque  superstitione  fuisse  factum.  Unde  colligimus,  non  modo  a  luxu  et  delitiis  fuisse  alienissimum:  sed  quo  solutior  esset  ad  opus  Domini,  aliquid  etiam  ex  ordinariis  alimentis  rescidisse.  Neque  enim  natura,  sed  continentiae  Btudio  erat  abstemius.  At  quam  pauci  hodie  sunt  quibus  necesse  sit  aqua  interdicere:  quam  multi  vero  qui  restringendi  sint  ad  sobrium  vini  potum?  Porro  hic  apparet  quam  necesse  sit  nobis  etiam  ubi  recte  agere  cupimus,  spiritum  prudentiae  a  Domino  petere,  qui  nos  mediocritatem  doceat.  Rectum  quidem  scopum  Timotheus  spectabat:  f  sed  quia  reprehenditur  a  spiritu  Dei,  excessum  austeri  victus  cognoscimus  in  eo  fuisse  vitiosum.  /  Simul  traditur  generalis  regula,  sic  in  cibo  et  potu  *  temperandum  nobis  esse,  ut  singuli  valetudinis  suae  rationem  habeant,  non  vitae  prorogandae  causa,  sed  ut  quamdiu  vivunt,  Deo  et  proximis  frugi  sint  atque  utiles.  Quod  si  improbatur  nimia  continentia,  dum  morbos  accersit  vel  fovet,  quamvis  absit  superstitio:  quo  loco  habenda  erit  Gartusianorum  obstinatio,  quibus  mori  satius  est  quam  in  extrema  necessitate  pauxillum  carnis  gustare  ?  quod  si  parcis  et  sobriis  praecipitur  ne  valetudinem  gravent  nimia  parsimonia,  non  levis  poena  intemperantes  manet,  qui  vires  suas,  ingluviem  farciendo,  opprimunt.  Nec  vero  monendi  sunt,  sed  tanquam  brutae  pecudes  a  pabulo  arcendi.  24.  Quorundam  hominum  peccata.  Quoniam  nihil  est  quod  magis  excruciet  fideles  ecclesiae  ministros,  quam  ubi  malis  corrigendis  nullam  vident  rationem:  ubi  coguntur  ferre  hypocritas,  quorum  nequitiam  intelligunt  :  multos  qui  sunt  noxiae  pestes,  nequeunt  arcere  ab  ecclesia,  ac  ne  impedire  quidem  quominus  clandestinis  artibus  venenum  suum  spargant:  hac  consolatione  sustentat  Paulus  Timotheum,  fore  ut  aliquando,  ubi  Deo  visum  fuerit,  protrahatur  in  medium.  Ita  ad  tolerantiam  eum