51:320  propos,  comme  il  n'est  point  variable,  et  qu'il  souffre  que  sa  grace  soit  couppee  par  morceaux  et  lopins  a  l'appetit  des  hommes:  mais  il  a  ordonne  ceste  mesure-la,  que  de  iour  en  iour  nous  croissions,  et  quo  cependant  nous  apprenions  en  toute  sobriete  de  cognoistre  ce  qui  nous  defaut,  pour  gemir  et  nous  desplaire,  et  pour  tousiours  nous  tenir  en  bride.  Voila  donc  comme  ces  deux  choses  s'accordent,  c'est  que  desia  les  Ephesiens  avoyent  receu  l'Esprit  de  revelation,  et  qu'ils  avoyent  besoin  que  Dieu  leur  donnast.  Car  combien  qu'il  n'y  ait  qu'un  seul  Esprit,  si  est-ce  que  les  dons  sont  divers  et  nous  sont  distribuez  a  chacun  selon  sa  mesure  et  comme  il  luy  plaist  d'en  donner.  Il  n'y  a  que  Iesus  Christ  qui  l'ait  receu  en  plenitude,  et  aussi  c'est  la  fontaine  qui  ne  peut  iamais  tarir,  et  c'est  celuy  sur  lequel  l'Esprit  de  Dieu  a  repose,  a  fin  que  nous  en  soyons  tous  faits  participans:  mais  de  nostre  coste  cognoissons  que  les  plus  bages  ont  besoin  d'estre  tousiours  escoliers,  et  d'apprendre  iusques  a  la  mort.  Or  cependant  notons  que  ce  '  mot  de  revelation  nous  condamne  tous  d'aveuglement.  Car  nous  aurons  les  yeux  ouverts  pour  discerner  entre  le  blanc  et  le  noir,  nous  verrons  le  soleil  et  la  lune,  nous  verrons  les  choses  de  ce  monde  et  en  pourrons  iuger:  il  ne  faut  point  que  nous  ayons  revelation  nouvelle  pour  cela,  car  nous  l'avons  de  nature.  Ii  est  vray  que  nos  yeux  sont  instrumens  de  la  vertu  et  bonte  de  Dieu,  quand  il  nous  fait  iouir  de  la  clairte:  mais  cela  est  commun.  Or  ici  sainct  Paul  nous  monstre  que  nous  sommes  aveugles,  et  que  nous  ne  comprenons  rien  qui  soit  des  graces  spirituelles  de  Dieu,  sinon  qu'il  y  donne  ouverture,  qu'il  oste  les  bandeaux  que  nous  avons  devant  les  yeux,  mesmes  qu'il  nous  donne  une  veue  nouvelle,  laquelle  nous  n'avions  pas:  car  nous  avons  les  yeux  plus  que  crevez,  iusques  a  ce  qu'il  les  illumine  par  son  sainct  Esprit.  Voila  donc  ce  que  nous  avons  a  retenir.  Et  c'est  ce  qu'il  adioustera  encores.  Voire  (ditil)  les  yeux  de  vostre  entendement  illuminee.  Or  on  pouvoit  repliquer,  Si  nous  avons  desia  l'Esprit  de  revelation,  pourquoy  en  avons-nous  besoin?  Voire,  comme  si  vous  voyez  du  tout.  Il  est  vray  que  vous  voyez  en  partie:  mais  vous  avez  ies  yeux  encores  bien  chassieux.  Et  cela  se  peut  dire  en  general  de  tous:  comme  il  est  dit  qu'en  ce  monde  nous  contemplons  en  obscurite  et  en  un  miroir,  iusques  a  ce  que  nous  soyons  capables  de  voir  Dieu  en  sa  gloire  celeste  ,  quand  nous  serons  conformes  a  luy.  Et  puis  a  fin  qu'on  n'allegast  pas,  Et  faut-il  donc  que  Dieu  nous  revele  tellement  les  choses,  que  nous  soyons  la  comme  si  nous  ne  voyons  goutte  ?  Et  l'homme  sera-il  semblable  a  une  beste  brute  sans  discretion  ne  iugement?  Pour  respondre  a  cela,  il  est  vray  que  nous  avons  bien  quelque  sens:  maI6  nous  sommes  aveugles  toutesfois,  d'autant